Auke i smitte med ukjent smitteveg
Talet på folk som er koronasmitta utan at dei veit kvar dei har blitt smitta, aukar, viser tal frå vekerapporten til Oslo kommune. Dei to siste vekene er det registrert 352 smittetilfelle i Oslo med ukjent smittestad.
Det er og stor auke i talet på dei som er blitt smitta i private heimar. Det er framleis mest smitte i aldersgruppa 20–29 år. Den siste veka er talet på testar nesten dobla i Oslo, til nær 20.000.