Regjeringslunsj for redningsinnsats

Representantar for mange av dei som var med i redningsaksjonen under Viking Sky-hendinga på Hustadvika, er invitert til lunsj hos regjeringa. Det er ministeren for samfunnstryggleik, Ingvil Smines Tybring-Gjedde som inviterer, og vil takke for innsatsen og høyre om erfaringane som blei gjort både overfor cruiseskipet og dramatikken rundt fraktebåten Hagland Captain. Også statsministeren vil vere til stades. – Vi set pris på invitasjonen og at vi får setje oss ned og reflektere rundt det som skjedde, seier varaordførar Jan Arve Dyrnes i Fræna. Fræna kommune, det lokale brannvesenet og representantar frå fleire andre instansar i vårt distrikt er inviterte til lunsjen i Oslo 24. april.