Hopp til innhold

Son bearráigeahčai ja gulahalai

Lea go noaidevuohta jávkan vai lea go eallán čihkosis? Geahča filmma gos Aage Solbakk muitala noaidevuođa birra.

Aage Solbakk goavdásiin

Aage Solbakk dearpá goavdása noaidehávddi lahka Várjjagis.

Foto: Berit Nystad / NRK Sápmi

Noaidevuohta lea sámiid dološ osku, mii maiddái lea gohčoduvvon šamanisman. Dát osku ii leat čadnon dihto oskui, muhto dihto autoritehtii (juoga mas lea fápmu) ja čehppodahkii.

Noaidevuohta Sámis

Noaidi (mii mearkkaša “dat gii oaidná”) lei deháleamos olmmoš dán oskkus, son bearráigeahčai siidaolbmuid ja gulahalai vuoiŋŋaiguin.

Dolin lei dábáleamos ahte dievdoolmmoš lei noaidi, muhto odne, dahje ođđa áiggis gal lea dábálaš ahte nissonolbmot maid leat noaiddit.

Anders Poulsena meavrresgarri
Foto: Nils Johan Eira / NRK

Dás vuolábealde oainnát filmma mas Aage Solbakk muitala noaidevuođa birra.

Son leage historihkkár ja girječálli. Solbakk lea oahppogirječálli ja lea lohkkan sámegiela ja kulturmáhtu sihke allaskuvllain ja universitehtain. Solbakk ássá Hilláguras, Deanus gos son maid bargá báberbargguiguin.


Ieš son eallá dološ olbmuid láhkai, ii čuovo diimmu, muhto eallima heiveha jahkodagaid mielde.

Noaidevuohta

Aage Solbakk muitala noaidevuođa birra.


Makkár jurdagat dus báhce? Eallá go noaidevuohta? Cavgil midjiide, jus dus leat fearánat dahje vásáhusat maid háliidat juogadit earáiguin: nufal@nrk.no