NRK Meny
Normal

Grand Prix vuoitit álggahan ođđa joavkku

Ii leat veadjemeahttun sudnuide gal čuojahit guovtti joavkkus. Oappáš guovttos geat leigga mielde vuoitimen Sámi Grand Prix 2009:s, leaba álggahan ođđa sámi musihkkajoavkku.

Ravggon

Ravggon

Foto: Henruke Kestilä

Somby joavkku čuojaheaddjit ja oappáš guovttos Milla Pulska ja Unna-Mari Pulska leaba dál álggahan ođđa musihkkajoavkku Ravggon.

– Mus lei miella ieš lávlugoahtit, muhto maiddái čállit iešguđetgelágan lávlagiid, muitala Milla.

Somby lea sámi rock-joavku, mii lea erret eará vuoitán Sámi Grand Prix 2009:s.

– Somby joavku gal doaibmá ain liikká, mii leat dál bargamin ođđa skearruin, lohká Pulska.

Dán vahkkoloahpa čuojaheaba oappáš guovttos jo Taigafestiválas, Tankavaara olggobealde Anára. Doppe leat maiddái sámi artisttat guoimmuheamen, nu mo Áilu Valle, Somby joavku ja maiddái ođđa nuoraidjoavku Ravggon.

– Ravggon musihkka ii leat nu lossa ja garra musihkka nu go Somby-joavkku musihkka lea.

Guldal eanet dán ođđa musihkkajoavkku birra: