NRK Meny
Normal

Sáddedit álásgovaid

Nuorat sáddedit álásgovaid Snapchat bokte. NuFal lea gulahallan nuoraiguin sin Snapchat-dábiid birra.

Snapchat
Foto: NRK

Movt guhtege geavaha Snapchat lea váttis diehtit. Muhto ii leat čiegus ahte nuorat geavahit sosiálamediaid sáddedit álásgovaid.

– Mun gal in bala. Go govven álásgovaid, de in láve goassege govvet nu ahte ámadadju oidno. Ja jus oktage vurke gova, de boahtá munnje diehtu.

Nieida (20)

Guhtta nuora leat NuFalii muitalan iežaset Snapchat-dábiid. Muhttinat háliidit oaččun álásgovaid, earát fas eai áiggo. Movt lea Snapchat, lea go buorre daidda, geat áigot leat oskkáldasmeahttumat?

snapchatikon
Foto: snapchat

Nuorat eai háliidan almmuhit námáid, danin lea NuFal bidjan sidjiide eará námáid.

"Maret" (23)

Leat go vásihan ahte álásgovaid leat sádden Snapchat bokte?

– Na lean!

Leat go ieš sádden álásgovaid Snapchat bokte?

– In, mun in láve govvidit iežan álás. Álásgovat leat báraid várás.

Livččet go sádden álásgovaid jus dus livččii irgi?

– Juo, muhto in fal Snapchat bokte! Mun balan vearu bollui guoskkehit, ribahan vel sáddet buot mu Snap-olbmáide.

Maid don jurddašat sin birra, geat lávejit sáddedit álásgovaid?

– Dat gal lea ortnegis, beare sáddejit daidda, geat háliidit oažžut dakkáraš govaid.

Manin jáhkát nuorat sáddejit álásgovaid Snapchat bokte?

– Sii doivot sihkkarit ahte ii leat nu váralaš go govva dušše oidno moadde sekundda.

Muhto son, guhte oažžu gova han sáhttá “screenshotet, ” dahje govvet gova,”, dan goit dihtet eanas nuorat?

– Eai buohkat soaitte dan diehtit. Muhto dán áigásaš nuorat gal máhttet ja dihtet daid vejolašvuođaid, mat neahttalefovnnain leat.

– Dán áigásaš nuorat gal máhttet ja dihtet daid vejolašvuođaid, mat neahttalefovnnain leat.

Nieida (23)

Doaivvut go nuorat dahket dan vai earát oidnet sin?

– Mun jáhkán ahte hui garra vuordámušat gaskaneaset dat stivre dien. Soitet doaivut ahte buohkat earát sáddejit álásgovaid?

Manne ja makkár preassa?

– Ahte lea čaffat sáddedit álásgovaid. Nuorat leat eahpesihkkarat iežainis ja iežaset rupmaša dáfus. Dávjá sii dárbbašit juogalágan duođaštusa.

Jáhkát go sin gáhtat maŋŋil?

– Juo, go sáhkan šaddá ja váikkuhusat bohtet.

Makkár sáhka ja váikkuhusat šaddet?

– Makkár sin rumaš lea oaidnit. Dahje jus muhtin váhnen fuomáša makkár govaid su mánná sáddeda, das sáhttá šaddát politiijaášši!

Movt sáhttá álásgovva psyhkalaččat čuohcat?

– Šaddá iežainis duđavaš ja lea gelddolaš jus oažžu buriid kommentáraid govvii.

Nudist
Foto: Scanstockphoto.com

"Marja" (18)

Maid jurddašat nuoraid birra, geat sáddejit álásgovaid Snapchat bokte?

– Mu mielas gal lea eatnjehas. Šaddá unohas dovdu go oaččun dakkár govaid.

Leat go ieš sádden álásgovaid Snapchat bokte?

– In leat sádden inge boađe sáddet ge! Geasa dat govva boahtá loahpaloahpas, dan ii dieđe. Ja sus/sis, geas lea dakkár govva oažžu bistevaš fámu du badjel.

– In leat sádden inge boađe sáddet ge! Geasa dat govva boahtá loahpaloahpas, dan ii dieđe. Ja sus/sis, geas lea dakkár govva oažžu bistevaš fámu du badjel.

Nieide (18)

Fámu? Maid dainna oaivvildat?

– Jus okta lea screenshoten álásgova, de han sus lea govva vuorkkás ja dainna sáhttá du vuortnohit. Son sáhttá du oaččut dahkat vaikko maid, jus it jeagat su, de sáhttá sáddet gova duohkut deike.

Bágget dahkat vaikko maid, maid das oaivvildat?

– Na dakkáriid maid muđui it livččii dahkan . Nu go fitnat su guossis, vaikko seksuálalaš diŋggaid dahkat! Dahje sáddedit eambbo álásgovaid.

Nu ahte don jáhkát ahte jus sáddeda álásgovaid, de sáhttá maid dovdat garra psyhkalaš deattu?

– Juo.

Oaččut go dávjá álásgovaid Snapchat bokte?

– Dál gal in oaččo šat, lean dadjan ahte dieđihan politiijaide jus oaččun eambbo.

Manin don jáhkát nuorat sáddejit álásgovaid?

– In mun dieđe. Heajos iešluohttámuš. Dahje soitet eahpesihkkarat iežaset rupmaša dáfus ja iežainis, ja álásgovaid bokte oaččut duođaštusa ahte leat fiidnát ja čábbát.

Jáhkát go sin gáhtat go sáddejit álásgovaid?

Dan gal in jáhke.

Lávejit go du ustibat sáddedit álásgovaid earáide?

– Mus okta olmmái láve govvidit iežas álásin. Mun lean sutnje dadjan ahte das sáhttet šaddat váikkuhusat, muhto ii son oro das berošteame.

Manin bat son ii beroš?

– Sus lea heajos iešluohttámuš ja háliida fuomášumi álásgovaid bokte.

Naken mann
Foto: www.colourbox.com

"Joavnna" (25)

Mun háliidan diehtit nuoraid snap-dábiid. Leat go goassege vásihan oažžut álásgovaid Snapchat bokte?

– Hahaha! Mun oaččun álásgovaid measta juohke beaivve, muhto dat gal lea moarsis.

– Hahaha! Mun oaččun álásgovaid measta juohke beaivve, muhto dat gal lea moarsis.

Bárdni (25)

Sáddedat go don ieš álásgovaid?

– Mun in sádde dakkár govaid, main oidnojit vuolledábit. Dat lea oba guhkes áigi go dakkár gova lean sádden.

Manin don in sádde álásgovaid?

– Dan dihte go in dieđe vurke go dan gova, čájáhallá go earáide ja sádde go viidáseappot gova. Ja jus oktage bidjá dan nehttii dat ii goassege jávkka doppe! Dasa lasiin ii leat mus dárbu sáddedit álásgovaid.

Underliv
Foto: lev dolgachov

"Inga" (20)

Leat go vásihan álásgovaid oažžut Snapchat bokte?

– Hehe! Lihkus in leat dan gal vásihan. Muhto lean gal ožžon govaid, main olmmoš lea belohahkii álás, ovdalgo lea mánname lávggodit dahje maŋŋel hárjehallama. Muhto dan lea bidjan “My Story”, nu ahte buot su Snap-olbmát oidnet gova.

Manin jáhkát nuorat sáddejit álásgovaid Snapchat bokte?

– Mun jáhkán muhtinat doivot ahte Snapchat ii leat váralaš. Dasa lassin jáhkán ahte sii leat duođaštusa mas nu ohcaleame.

– Mun jáhkán muhtinat doivot ahte SnapChat ii leat váralaš. Dasa lassin jáhkán ahte sii leat duođaštusa mas nu ohcaleame.

Nieida (20)

"Biret" (21)

Manin nuorat sáddejit álásgovaid?

– Soaitá danin go háliidit fuomášuvvot dahje danin go ohcalit duođaštusa.

Jáhkát go muhtimat sáhttet psyhkalaččat buohccát maŋŋil go sáddejit álásgovaid?

– Sáhttet, ii goassege dieđe gean “gieđaid gaskii” govva loahpas šaddá.

Rygg
Foto: 1996-98 AccuSoft Inc., All rights reserved

"Sara" (20)

Leat go vásihan álásgovaid oažžut Snapchat bokte?

– De lean.

Liikot go oažžut álásgovaid?

– Jus mun lean jearran dakkár gova, de lea ortnegis ahte sáhttet sáddet. Jus vuorddekeahttá boahtá álásgovva, de ferte leat hui fiinna govva, vai in galgga dovdat unohasvuođa.

Nu ahte don háliidat oažžut álásgovaid?

– Juo, muhtomin. Jus sáddejit go lean jearran, de lea somá! Muhto ii leat somá oažžut álásgovaid dakkár olbmuin, geat eai leat čábbát oaidnit álás.

Manin don háliidat oažžut dakkár govaid?

– Mu mielas lea dievdoolmmoš nu fiinnis! Ja mun liikon Snapchat bokte oažžut álásgovaid, go ii gávdno makkárge duođaštus ahte lea sádden ja ožžon álásgova. Dat lea buorre arena daidda, geat áigot leat oskkáldasmeahttumat.

– Mun liikon SnapChat bokte oažžut álásgovaid, go ii gávdno makkárge duođaštus ahte lea sádden ja ožžon álásgova. Dat lea buorre arena daidda, geat áigot leat oskkáldasmeahttumat.

Nieida (20)

Dat, geat sáddejit dutnje álásgovaid, sihtet go du maid sáddet ruovttoluotta seammalágan gova?

– Na, sii lávejit jearrat “in go mun oaččo dus álásgova?”, muhto lea dan duohken gii jearrá. Jus lea irgi dahje irgeláganaš geasa sáhtán luohttit, de gal sádden munge. Muhto jus lea okta boares, guolgás olmmoš, gii sádde álásgova ja jearrá mus oažžut seammalágán gova ruovttoluotta de gal dajan II!

It go bala sáddemis álásgovaid?

– Mun gal in bala. Go govven álásgovaid, de in láve goassege govvet nu ahte ámadadju oidno. Ja jus oktage vurke gova, de boahtá munnje diehtu.

Nabai jus vurkejit gova, it go bala ahte álásgovat dus levvet neahtas?

– Eai láve gal vurket govaid. Muhto jus munnje boađášii diehtu ahte lea vurken gova, de gal livčče doškkohallan munnje dassážii go sihkku gova.

Leat go goassege dovdán preassa sáddet álásgovaid?

– De lean. Hui unohas dovdu, muhto mun in sádden goitge. Sihkon su, dál ii leat šat mu Snapchat olmmái.

Makkár preassa dovdet?

– Álggos son sáddii áibbas vuorddekeahttá gova iežas vuolledábiin ja de gáibidii gova oažžut mu vuolledábiin. Mun dadjen ahte in háliit sáddet ja de dajai son ahte lea beahtahallan go in sádde gova. Gohčodii mu árgin ja nie.

– Álggos son sáddii áibbas vuorddekeahttá gova iežas vuolledábiin ja de gáibidii gova oažžut mu vuolledábiin.

Nieida (20)

Jáhkát go olu nuoraid sáddet álásgovaid Snapchat bokte?

– Juo, dieđusge. Nu olu ahte dasa eai gávdno logut ge! Mun oaččun sullii vihtta vahkkui.

Jurdil maid dajat ja dagat

“Bruk hue” lea miehtá riika leamaš logaldallan nuoraide digitala givssideami ja neahttaipmárdusa birra.

– Nuorat eai ipmir váikkuhusaid boastu neahttaipmárdusas, dadjá “Bruk hue”.

Deaddil liŋkái das vuolábealde ja loga eambbo “Bruk hue” birra.