Suoidnemánu 23. beaivi lea vuosttaš beatnatbeaivi. Beatnatbeaivvit bistet mánu, gitta borgemánu 23. beaivvi rádjái.
Lávejit lohkat beatnagiid buohcagoahtit ja snuđđugoahtit hirbmadit. Beatnagat borret suinniid ja rihča rásiid vai vuovssadivčče ja dearvvašmuvašedje.
Beatnatbeivviid leat hui bivvalis ja liehmu dálkkit
Vuosttáš beatnatbeaivi muitala makkár dálki lea vuordimis ovddasguvlui. Jus fal lea bivvalis dálki vuosttáš beatnatbeaivvi, de bissu nu mánu ovddasguvlui.
Muhto suoidnemánu 27. beaivi lea maid dálkemearkabeaivi. Jus dalle lea arvi, de arva 7 vahkku ovddasguvlui.
Muhtun beatnagiin ii leat buorre borranlusttu daid muttuid, borret baicce suinniid dassái go čollejit. Dat dadjo ahte beatnagat borret suinniid ráidnen dihte čoliid.
Foto: Petter Strøm / NRKDološáigge rájes leat dadjan ahte dán áigodagas guhppo biebmu jođáneappo.
Ja jus dál nájat hávi, de savvu njozet ja lea hui bahá siedjut. Dolin, go jagis ledje golbmanuppelohkái mánu, de dát beatnatbeaivvit ledje sierra mánnun, man gohčodedje maiddái mieskamánnun, go dalle lei hui bivval ja liehmu.
Luopmánat láddagohtet daid muttuid.
Foto: Johan Ánte Utsi / NRKDadjo maid ahte buot mii mearrabotnis lea, mii ii gula dohko, govddida. Earret eará lihkát. Dasa lassin čoahkkanit magnehtat čáhcegierragii.
