NRK Meny
Normal

Oahpai sámegiela skuvlaoappás

Skuvlaoappáin ii dušše čuojahan musihka, sus oaččui oahpu maid ii livčče oahppan eará sajis.

Viktor Bomstad

Lei hui dehálaš ahte bessen Elliin sámástit, dat lei hui álki. Go amasolbmuiguin lea issoras hupmat sámegiela, dadjá Viktor Bomstad.

Foto: Saia Stueng / NRK

Báhcavuonalaš Viktor Bomstad čuojahišgođii musihka go lei 12 jagi ja lei oahppin kulturskuvllas Omasvuonas. Go joatkkaskuvlii álggii de válljii son musihkarsuorggi.

Viktor fárrii Tromsii oahpu gázzát Kongsbakken joatkkaskuvllas, muhto ii lean dušše skuvllas gos oahpu oaččui.

Amasolbmuiguin lea issoras sámástit

Romssas oahpásnuvai son Elle Máija Bæhrain, guhte šattai su skuvlaoabbán.

Skuvlaoappáin ii dušše čuojahan musihka, Viktor oaččui oahppu maid ii livčče oahppan eará sájis – son oahpai sámegiela.

– Elle šattai sihke mu oahpaheaddji ja olmmái.

Mannan jagi oahppagođii sámegiela

Viktoris lea buorre giella, váikko ii leat nu áigá oahppán sámástit.

– Mun álgen mannan jagi lohkkat sámegiela. Elle lei hui čeahppi veahkit mu ja sámástit muinna.

Jus Elle ii livčče veahkit du, livččet go dalle oahppan sámegiela?

– Ii heađisge. Lei hui dehálaš ahte bessen Elliin sámástit, dat lei hui álki. Go amasolbmuiguin lea hui issoras hupmat sámegiela.

Viktor Bomstad

Dán rádjái lea Viktor ovttain sámi neavttáriin guoimmuhan. Sarakka Gaupain. Ja sus lea niehku ain eanet sámi artisttaiguin ovttasbargat.

Foto: Saia Stueng / NRK

Niegada sámi artisttaiguin ovttasbargat

Dál gazzá Viktor oahpu Norgga musihkkaallaskuvllas Oslos. Go lea giela birra sáhka de ii dieđe son áibbas sihkkarit makkár mihtut sus leat boahtteáigái.

– Mun in dieđe háliidan go seaguhit sámegiela iežan musihkkii. Muhto áiggun goit joatkit sámásteames.

Dán rádjái lea Viktor ovttain sámi neavttáriin guoimmuhan. Sarakka Gaupain. Ja sus lea niehku ain eanet sámi artisttaiguin ovttasbargat.

– Sara Marielle Gaup Beaskain! Son lea nu čeahppi. Háliidivččen gal maid ovttas čuojahit Torgeir Vassvikain.