– Son lea nuorra taleanta

Mannan vahkus lea leamašan Ann Cathrin Lübbe riidenkursa Leavvajogas. Dán jagi lágiduvvui njealját háve - ja juohke jagi leamaš ollu ohccit geat doivot kursii beassat.

Anja Andersen Jernsletten

Anja Kristine Jernsletten iežas heasttain Zac.

Foto: Máijá Holm Balto / NRK

Deanu nieida Anja Kristine Jernsletten (13) lea okta dain, guhte lei beassan vahkkosaš riidenkuršii Leavvajohkii.

Anja Andersen Jernsletten

Anja gearggus kursabeaivái ja dollemin riidenbánii.

Foto: Máijá Holm Balto

Illudan guhká oahppat OG násttis

Sutnje lei stuorra illu go beasai searvat ja lohká iežas ovdánan olu dán vahkus.

– «Lea stuorra gudni oahppat Ann Cathrin Lübbes riidengoansttaid, son lea erenomáš čeahppi oahpahit ja čilget mo maid galgá dahkat», dadjá Anja Kristine.

Anja Kristine Jernsletten

Anja Kristine ja Zac.

Foto: Máijá Holm Balto / NRK

«Son lea áŋgir, čeahppi ja duođalaččat bargá ovdánit. Birge bures ieš vaikko vel mun in čuočču das ja bagadala»

Ann Cathrin Lübbe

Vuolgá máttás gilvvohallat

Lávvardaga dollii Anja Kristine iežas bearrašiin máttás, Sandefjordii gilvvohallat iežas heasttain dressuras, mas mihttu lea riidet čábbámus ja buoremus lágimiel prográmma mielde.

– «Mus lea miella vásihit stuorát gilvvuid ja dovddan ahte lean ráhkkanan bures dál. Lean máŋgii čađahan prográmma maid áiggun riidet», lohká Jernsletten.

Anja Andersen Jernsletten

Anja riidemin Lubbe kurssas.

Foto: Máijá Holm Balto / NRK

Lübbe lohká Anja leat nuorra taleantta, guhte máhttá ja diehtá maid bargá riiden oktavuođas.

Ann Katrin Lubbe

Riidenoahpaheaddji Ann Cathrin lohká Anja leat čeahpes riidejeaddji.

Foto: Máija Holm Balto / NRK

– «Lea stuorra gudni oahppat Ann Cathrin Lübbes riidengoansttaid, son lea erenomáš čeahppi oahpahit ja čilget mo maid galgá dahkat», dadjá Anja Kristine.

Anja Kristine Jernsletten

Anja logai iežas duđavaš kursabeivviin.

Foto: Máijá Holm Balto / NRK

Loaktá Finnmárkkus

Ann Cathrin Lübbe lea stuorra násti heastabirrasis sihke Norggas ja máilmmis.

Ann Cathrine Lübbe

Ann Cathrin Lübbe

Foto: Ole Rolfsrud / NRK

Son lea gilvvohallan Grand Prix dásis ja lea 1997 rájes leamaš Norgga doaibmahehttejuvvonriidejeaddjiid joavkkus.

Čakčamánus son fas ovddasta Norgga Paralympics Olympiameašttirgilvvuin Rio De Janeiros.

–«Vaikko lean barggus dáppe Leavvajogas, de livččen dego luomus, gos návccaid vieččan čakčii, dáppe lea nu ráfi», muitala Ann Cathrin.

Ovddasta Hámmarfeastta riidensearvvi OG:s

Lübbe lea mearridan ovddastit Hámmarfeasta riidensearvvi Paralympicsgilvvuin Rio De Janeiros. Son dovdá erenoamáš gullevašvuođa Hámmarfestii ja lohká iežas dávjá doppe.

–«Loavttán hirbmasit dan báikkis ja lean čadnon erenoamážit dan riidenbirrasii, dovddan dego livččii mu ruovttubáiki», lohká dressur-čeahppi.