Deanu nieida Anja Kristine Jernsletten (13) lea okta dain, guhte lei beassan vahkkosaš riidenkuršii Leavvajohkii.

Illudan guhká oahppat OG násttis

Sutnje lei stuorra illu go beasai searvat ja lohká iežas ovdánan olu dán vahkus.

– «Lea stuorra gudni oahppat Ann Cathrin Lübbes riidengoansttaid, son lea erenomáš čeahppi oahpahit ja čilget mo maid galgá dahkat», dadjá Anja Kristine.

Vuolgá máttás gilvvohallat

Lávvardaga dollii Anja Kristine iežas bearrašiin máttás, Sandefjordii gilvvohallat iežas heasttain dressuras, mas mihttu lea riidet čábbámus ja buoremus lágimiel prográmma mielde.

– «Mus lea miella vásihit stuorát gilvvuid ja dovddan ahte lean ráhkkanan bures dál. Lean máŋgii čađahan prográmma maid áiggun riidet», lohká Jernsletten.

Lübbe lohká Anja leat nuorra taleantta, guhte máhttá ja diehtá maid bargá riiden oktavuođas.

– «Lea stuorra gudni oahppat Ann Cathrin Lübbes riidengoansttaid, son lea erenomáš čeahppi oahpahit ja čilget mo maid galgá dahkat», dadjá Anja Kristine.

Loaktá Finnmárkkus

Ann Cathrin Lübbe lea stuorra násti heastabirrasis sihke Norggas ja máilmmis.

Son lea gilvvohallan Grand Prix dásis ja lea 1997 rájes leamaš Norgga doaibmahehttejuvvonriidejeaddjiid joavkkus.

Čakčamánus son fas ovddasta Norgga Paralympics Olympiameašttirgilvvuin Rio De Janeiros.

• Loga: Ann Cathrin Lübbe erenomáš heastta birra

–«Vaikko lean barggus dáppe Leavvajogas, de livččen dego luomus, gos návccaid vieččan čakčii, dáppe lea nu ráfi», muitala Ann Cathrin.

Ovddasta Hámmarfeastta riidensearvvi OG:s

Lübbe lea mearridan ovddastit Hámmarfeasta riidensearvvi Paralympicsgilvvuin Rio De Janeiros. Son dovdá erenoamáš gullevašvuođa Hámmarfestii ja lohká iežas dávjá doppe.

–«Loavttán hirbmasit dan báikkis ja lean čadnon erenoamážit dan riidenbirrasii, dovddan dego livččii mu ruovttubáiki», lohká dressur-čeahppi.

• Loga maid: Njuorasmahtti muitalus Donatello birra