Makkár skeaŋkkaid oastit dán jagi?

NuFal buktá dál moadde evttohusa maid sáhttá sihke nissoniidda ja almmáiolbmuide skeŋket.

Julegaver
Foto: Kvale, Jens / SCANPIX
Hannah Noste
Journalist

Dál lahkonišgohtet fas juovllat, ja dalle lea fas áigi gávdnat juovlaskeaŋkkaid. Muhtumiidda sáhttá leat váttis fuobmát maid galgá nubbái addit.

Nissonolbmui:

«Kose-robot»:

Dá lea skeaŋka mii heive vaikko geasa. Mii vel buoret go veallát soffás maŋŋel guhkes beaivve, ja dát ruvven-diŋga jođaša čielggis? Kose-robota dahje eará ruvvenbiergasat leat hui bivnnuhat addit skeaŋkan, ja olusat sávvet dákkáriidoažžut juovllaide.

Biktasat:

Biktasat leat hui dábálaš skeaŋkkat nieiddaide ja nissonolbmuide. Sáhttá leat váttis diehtit makkár biktasa galgá oastit nubbái, muhto de lea vuogas omd. liegga biktasiid nu go gahpira ja fáhcaid addit. Eará evttohus sáhttá leat juoga man buohkat geavahit, de go mat báidi ja singleahtta.

Klær sko og veske
Foto: Colourbox

Govat:

Govva lea fiinna ja persovnnalaš skeaŋka. Vállje čáppa gova mas ieš leat ovttas dainna geasa skeŋket gova, bijat dan heivvolaš rámma sisa vel. Dát sáhttá čájehit buori muittu.

Vuoidasat:

Vuoidasat sáhttet maid leat hearvás skeaŋkat. Lea somá geahččalit ođđa vuoidasiid, ja dat lea maid juoga man máŋggas geavahit juohke beaivvi. Muitte fal heivehit nu ahte vuoiddas heive dan olbmui, nu ahte son háliida geavahit dan.

Čiŋat:

Sihke beallječiŋat, čeabetčiŋat ja čiŋat gáktái leat buorit evttohusat juovlaskeaŋkan. Dat leat dakkárat mat geavahuvvojit dávjá, ja olbmot dávjá háliidit ođasmahttit dan mii sus lea giissás.

søljer
Foto: Máijá Holm Balto / NRK

Almmáiolbmui:

Biktasat:

Biktasat heivejit maid gánddaide dahje almmáiolbmuide skeaŋkan. Dál lea hui dábálaš šaddan ahte sii nai geavahit čeabetliinni dahje ullobáiddi. Dahje sáhtát addit juoidá mii lea oalle dábálaš – ii ge várra nu bivnnut gal.... čábabáiddi ja šlipsa.

Boagán:

Boagán heive sihke nuorra bártniide ja dievdduide. Sáhtát addit gákteboahkána dahje seakkit boahkána man sáhttá árgabeaivválaččat geavahit.

Vuoktaávdnasat:

Máŋggas liikojit stellet vuovttaid, ja de han lea buorre oažžut vuoktaávdnasiid juovlaskeaŋkan. Dát ii leat nu originála, muhto ain juo dakkár masa lea dárbu....

Spealut:

Dál lea hui bivnnut speallat tv-spealuid, Playstation dahje X-boxas. Dieidda gávdnojit máŋggalágan spealut, nu ahte de ii leat go válljet mii heive buoremusat.