NRK Meny
Normal

Niehttemeahcci

Vuordináigeráidu: Juovlamánu 19. beaivi.

Et ekorn i Konsvikosen har forlatt den mørke skogen og priser godværet oppå en stubbe.

Illustrasjonsfoto

Foto: Rune Bang

Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 19. beaivi.

Mii geat orrot nuortta-Norggas, eat leat hárjánan niehttemeahccái mannat. Diekkáriid sii máhttet oarjjin.

In leat goassige jurdilan hásselnihtiid ieža go juovllaidáigge bussenjálggisin maid skahpposiid mii lávet cuvket. Dalle ihtá goike, fiinná hásselsiskkoš go niehti bidjat niehttecuovkanii ja de cikcut.

Čakčat mis lei barggus lášmmohallanmátki. Akta dain geaiguin barggan boahtá «siskil vákkeguovlluin» nugo dadje rádios dálkedieđáhusas; namalassii Rogalánddas/Lulle- Agderis. Meahccegeainnu váccidettiin son muitalii ahte lei riegádanbeaidoaluide vuordimin poastapáhka váras nihtiiguin ruovttobáikkis.

Beate Heide

Beate Heide

Foto: Privat

Nu álggahuvvui guhkes ságastallan niehttemeahci birra. Mon, guhtes in leat goassige nihtiid čoaggan, jerren ja imástallen. Šattai ealli muitalussan, nai dan birra man buorit váras hásselniehtit leat. Mus ledje dievva jearaldagat; ledje go niehtit iežáláganat go ledje easkka čoggon? Šadden beanta bogostahkan – ja bargoguoibmi lohpidii munnje buktit moadde niehti máisttážit go páhkka ollii.

Ja nu son buvttii ge: gieža váras niehti ožžon gihtii oktan niehttecuvkaniin. Šattai hearvás boddu. Niehttesiskkožat ledje dipmásat ja njálgásat, ja hui iežáláganat go buvdanihtiid maid ovdal ledjen máistán. Susken ja stoavkkehin, ja duođas hávskohallen!

Nu ahte dál lean mearridan ahte mon háliidan niehttemeahccái vai ieš beasan čoaggit hásselnihtiid. Dát han verte leahkit ihána suohtas! Ja go sihke čálán dan – ja čevgasit dajan dan, de lea iežainan šiehtadus ahte dan galggan dahkat.