NRK Meny
Normal

Reive máhttá dagahit buorideame

Vuordináigeráidu: Juovlamánu 18. beaivi.

Ønskeliste
Foto: Knut Brendhagen / NRK

Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 18. beaivi.

Torill lea akta dain guhte lea ipmirdan ahte verte muitalit maid sávvá. Dat juobe lokte liiba ahte sávaldat ollašuvvá, jos muitala sávaldaga sutnje guhte dan máhttá ollašuhttit. Mu mielas dat lea nu buorre vuohki ahte háliidan muitalit dan birra. Jos dus lea garra sávaldat, de ii val ábut vuordit ahte soames galgá lohkat du jurdagiid ja beare ollašuhttit sávaldaga. Oainnát dieinna vugiin olmmoš beare behtohallo, go min gaskkas eai leat galle jurddalohkkit.

Torill muitala sávaldagaidis reivviin. Čáppa giehtačállosiin, fiidnámus reivebáhpiriin, son ovdanbuktá sávaldagaidis iešguđetlágan olbmuide. Dego noaidevuohta; daidda geaidda muitala sávaldaga, dávjá máhttet dan ollašuhttit.

Beate Heide

Beate Heide

Foto: Privat

Iigo lea imáraš? Go diehtá maid giinu sávvá, de lea álki addit dan, juste dan dihte go sávaldat lea muitaluvvon váimmus, ja go dat mearkkaša juoidá. Ja go soames vel muitala juste midjas dat juoga lea, de heanemusat liegganit.

Lean leamaš Torilla mielde gámnnadeažžat sávaldatollašuhttiin. Torill lei huomedan ahte lágiduvvui seminára bargoilu birra, ja dasa son háliidii searvat. Suohkan ii rásken su dohko sáddet, ja son ipmirdii ahte dál vertii reivve čálligoahtit. Son čálii logaldallái ja sávai allasii, ja su bargoillui, man birra mielas gulalii heanup, nuvttá saji. Telefovnnas logaldalli mielas mieđihii.

Bottus mon bessen Torilla mielde dearvvahit dan váibmoláđis olbmo guhtes lei juste munno darvehan muitalusaiguin bargoilu birra.

Dávjá ii leat nu garra bargu ollašuhttožit sávaldagaid midjas máhttá dutnje gártat ivdnás lieđđin ránes árgábeaivvis. Go duosttat sávaldagaidat muitalit, dat máhttá dutnje stuorra illun. Ja de dat čatná olbmuid oktii. Leat go dan jurdilan goassige? Čáppa girjjás láiggit mii oktiigait šaddá eallima gođusin.