NRK Meny
Normal

Midjas oidno

Vuordináigeráidu: Juovlamánu 12. beaivi.

kikkert
Foto: Åserud, Lise / SCANPIX

Dán jagáš vuordináiggeráiddu lea Beate Heide buvttadan NRK Sámi ovddas

Vuordináigeráidu: Juovlamánu 12. beaivi.

Lean smiehttan govt mii válljejt oaidnit maid mii ieža háliidit oaidnit. Maid mii oaidnit lea báidnon min ovdagáttuin ja min vuordámušain, ja de mii dulkot dan dán vuođul. Imaraš diŋga; jos leat áhpeheapme, heahkkadáhki oainnát dievva áhpehemiid. Leat go vissis biilla oastimin, de heahkkadáhki oainnát beare diekkár biillaid.

Akta guhte lea smiehttan dan heanebui go mon, lea Karsten Isachsen. Gullen su aktii logaldallamin bargomovtta birra. Gevredettiin Hallingdalii son lei huomedan eappelgilvvi geainnu olgeš bealde. Dan boandda bargomokta su imaštahtii. Visot nuppiin boanddain ledje stuorra muorat dievva eppeliiguin, muhto dan boanddas ledje beare unna, ruškes muoražat. Juohke jagi son gilvvii ođđa muoraid, dego ii háliidan vuollánit eappeliid oažžumis, nugo nuppit boanddat ožžo. Karsten lei jurdilan ahte dan boanddas lei eahpelihkku, go eai sus goassege šaddan eappelat.

Beate Heide

Beate Heide

Foto: Privat

Soames beaivvi son hoaladišgođii báikkálaččain, ja muitalii dan boandda birra man lei oaidnán. Dalle báikkálaš reškkii ja muitalii ahte diet boanda lei ge guovllu riggaseamos, son dat oainnát lei guhte gilvvii ja divššui nuppiid boanddaid eappelmuoraid.

Dat muitalus lea gártán munnje duođaštussan ahte mii ieža dulkot máilmmi min jurdagiid ja ovdagáttuid vuođul. Duođas min jurdagat ja ovdagáttut eai ovttelis hieba duohta máilbmái, ja nu mii ožžot kártta midjas ii heive oktii dovdagiiguin. De lea jearaldat maid galgat iežahuhttit; kártta vai dovdagiid?