Dán jagáš vuordináiggeráiddu lea Beate Heide buvttadan NRK Sámi ovddas.

Vuordináigeráidu: Juovlamánu 10. beaivi.

Vuordináigi lea devdon hávskkes čiegusvuođaiguin. Earenoamážit lea gelddolaš áigi mánáide. Sis nu čielgadit čuovga illu ja iešoaivilvuohta, ahte mii ollesolbmot nai áicat dáid vuordámušaid.

Ovddit adveanttaid mon deaivvadin unna nieiddažiin ovttas boaresetniinis. Boareseadni lei boahtán mánnabiigán, ja ovttas leigga páhkken unna adveantačiegusvuođaid eadnái ja áhččái. Adveantapáhkaid leigga čiehkan duos das huotnahis.

Mon bessen dieđun mielde geahččat gosa páhkažat ledje čihkkon. Akta lei duhkorasgores, akta siskkimus skábes, akta TVa duogábealis. Olles mánnarumaš doarggistii vuordámušain. Reškkii ja sainnai muitalettiin munnje man ilolaččat eadni ja áhčči galggaiga šaddat. Midjas lei páhkaid sinne ii beroštan. Dat midjas su illudahtii lei jurdda ahte ollesolbmot galge ohcat, ja son áidnaolmmožin diđii gonnes skeaŋkkažat ledje. Son lei nu hearvái!

Dan ilu oaidnit mu illudahtii. Oaidnit dáid vuordámušaid mat buljarde dego divrras champagna. Son lei hearvái dat nieiddaš. Boareseadni, guhtes lei veahkehan, mojohalai. Dát lei juoga midjas sunnos lei ovttas. Illu oaidnit nuppi olbmo ilu čuovggai sihke nieiddas ja boareseatnis.

Dát hávskkes čiegusvuođat galge almmostahttot earenoamáš beivviin. Dan dihte páhkain ledje nummirat. Sii ledje páhkken ja bidjan nummirbáhpira juohke skeŋkii. Loguin oidnui ahte lei unna mánáš gii lei daid čállán, ledje easkaálgilogut.

Mánná diđii juste gonnes juohke attáldat lei. Lihttu lei ahte boareseadni galggai riŋget beaivvi ovdal, ja de galggaiga ovttas muitit gosa skeaŋka lei čihkkon. Lei hearvás gelddolaš atnit čiegusvuođaid illudahttinulbmiliin.

Mon sihke illudin ja šadden lihkolažžan go bessen mielde sin čiegusvuođaide, ja jurdilin ahte diekkár unna skeaŋkailuid duogis lea albma liegga váibmu, ja dat lea stuorra illun min váimmuide. Vaikko mon nai galggalin illudahttit soapmása dáid vuordináiggiid, nu áibbas heahkkadáhki.