NRK Meny
Normal

Gehččiid jiellat

Sihke álbmot ja duopmárat jáhkket ahte Agnete Kristin Johnsen sáhttá vuoitit “Skal vi danse”-gilvvu.

Agnete Johnsen
Foto: TV2

Iskkadeamit čájehit ahte Agnete Kristin Johnsen lea gehččiid jiellat. Dan seamma čájehit Unibet-logut, ahte son lea dat násti geas lea eanemus doaivva vuoitit.

Unjárgga-nieida šattai dovddusin dalle go vuittii Melodi Grand Prix jr 2008:is, ovttas joavkkuin The BlackSheeps.

Maŋŋel dan lea Agnete leamaš mielde Melodi Grand Prixas, ja maiddái NRK prográmmas «Stjernekamp», mas šattai nubbin. Dál lea son mielde TV2 prográmmas «Skal vi danse», ja son lea ieš lohkan ahte son lea mielde danne go háliida vuoitit.

Lávvardaga čájehuvvo goalmmát prográmma, ja dássážii lea mannan hui bures Agnetiin. Duopmárat leat addán sutnje hui buriid árvosániid, ja dasa lassin oaččui velá ruvssu duopmáris Tony Ferraz.

Dá leat Unibet oddsat:


Agnete Johnsen 3.75

Line Verndal 5,00

Roar Strand 5,50

Andre Villa 6,50

Per Heimly 7,50

Caroline Berg Eriksen 9,00

Fam irvoll 12,50

Linnea Myhre 12,50

Idar Vollvik 20,00

Sahid Ali 25,00