NRK Meny
Normal

– Mun áiggošin ahte mu musihkka galgá gullot

Emma Elliane Oskal Valkeapää (16) áigu ođđa musihkkavideo bokte čájehit vuostehágu ruvkedoaimmaide.

Musihkkavideo

Emma lea áiddo geargan musihkkavideobáddemiin, ja sávvá ahte dat čájehuvvo filbmafestiválas.

Foto: Sara Margrethe Oskal

– Lávlla lea kritihkálaš ruvkkedoaimmaide, ja movt ruvkii bilida luonddu.

Emma Elliane eatni, Sara Margrethe Oskal lea buvttadeaddji, ja Anders Hoft lea filbmen video.

– Filbmen lea mannan hui bures, dát lea hui ođas munnje ja lean oahppan hui ollu.

Dáinna musihkkavideoin háliidan cuiggodit ruvkedoammaid, dadjá Emma Elliane.

«Atte munnje sáni saji» lea šuoŋa namma ja teaksta muitala movt ruvkedoaimmat billistit luonddu, ja sápmelaččaid ovddas.

Dá lea Emma Árdna-sáddagis:

Emma Elliane Oskal Valkeapää var gjest i Árdna 16.05.2016.

Ovttasbargá etniinis

– Dát lea du vuosttaš musihkkavideo, movt don vásihit dán barggu?

– Dát lea áibbas ođas munnje, ja mun in leat máhttán jurddašit ge movt kámera ovddabealde lea čuožžut go lean oaidnán eará musihkkavideoid, lohkká Emma.

Sara Margrethe Oskal, Emma eatni, lea ovdal leamašan mielde ráhkadeamen oanehisfilmmaid.

– Go moai Emmain letne ovttasbargan de lean mun leamašan buvttadeaddji, nu ahte dat gal lea mannan bures!

– Dan dihte go eadni lea ovdal ráhkadan oanehisfilmmaid, de heive hui bures go son sáhttá mu veahkehit dáinna videoin.

(Čálus joatkašuvva gova vuolábealde)

Sara Margrete Oskal Emma Oskal Anders Hoft

Sara Margrethe Oskal, Emma Elliane Oskal Valkeapäa ja Anders Hoft.

Foto: Irjan Balto / NRK

Miehtá máilmmi

16-jahkásačča áigumuš dahje niehku lea ahte su musihkka beagga miehtá máilmmi.

– Ruvkedoaibma lea dehalaš fáddá ja mu mielas galggašii gullot ja oidnot eambbo dán fáttá birra.

– Leago leamašan hušša?

– Mii leat olgun filbmen, ja mu mielas lei eanemus hušša go galggaimet mearridit goas mii filbmet. Oainnát dálkkis lei hui olu dadjamuš, dat fertii leat fiertu.