NRK Meny
Normal

Dihtorspeallan lea hui sosiála

Galggašii jáhkit dihtor speallan ii leat nu sosiála. Muhtto dan gal lea, oaivvilda Sámi Gamers jođiheaddji Aslak Anders Gaino.

Sámi Gamers lan
Foto: Elena Aslaksdatter Skum / Sámi Gamers Facebook

Sámi Gamers searvi álggahuvvui Guovdageainnus 2011:s, danin go eai lean nu ollu fálaldagat nuoraide. Dihtorspeallan dahje E-sport lea šaddagoahtán hui bivnnut nuoraid gaskkas. Dál leat searvvis sullii 80 miellahttu ja Gaino sávvá ahtte searvi joatká stuorrut.

– Mis galggašit leat Sámi Gamers searvvit eará báikkiin máid, dego Álaheajus, Kárášjogas ja Deanus, muitala Gaino.

E-sport bivvnut nuoraid gaskkas

E-sport lea digitála falástallan gos nuorat speallet dihtorin. Dat geasuha máŋggaid nuoraid sin gilvuide gos lea vejolaš vuoitit ollu ruđaid. Stuorimus gilvvuin máilmmis lea vejolaš vuoitit badjel millijovdna ruvnnu.

– Guovdageainnus mis lea leamaš stuorámus vuoitu 10 000 ruvnnu, muitala Sami Gamers jođiheaddji.


Muhtto ii dat leat dušše ruhta mii geasuha nuoraid čoahkkanit speallat. Dát lea hui sosiála oaivvilda Gaino, danin go it don dušše čohká ja geahča dihtorii, don maiddái háleštat olbmuin ja oahpásmuvat singuin.

– Oasálastet danin go lea suohtas, ruhta ii leat dehálamos eatnašiidda, dadjá Gaino.

Aslak anders Gaidno

Aslak Ander Gaino jođiheaddji Sámi Gamers searvvis

Foto: Privat / Facebook

Geavahan ollu áiggi Sámi Gamers searvái

Gaino lea dán njealji maŋimuš jagi geavahan ollu áiggi dása, dan dihte go lea somá. Go son lei nuorat de son vávvjii ahtte váilui dákkár fáladat, danne son berošta ge jođihit searvvi.

– Ekonomalaččat manná searvi juste nu ahtte birge, ja iige leat goassige leamaš dat ulbmil ahtte dinet ruđaid dás, dadjá Gaidno.

Lágidit speallan deaivvadeami

Sii leat jurddašan lágidit hui stuorra speallan deaivvadeami Guovdageainnus, mas stuorra vuoittut. Ja vel geasuhit dohko olbmuid olles sámis ja maiddái eará bákkiin.

– Muhtto dát lea veahá guhkkelis, lea ollu bargu ovdal dohko ollet, loahpaha Gaidno.