NRK Meny
Normal

Dán jagi finnmárkulaš

Goalmmát háve son oažžu dán bálkkašupmi.

Agnete synger "Har du fyr?"
Foto: Julia Naglestad/NRK

Dán jagi finnmárkulaš -bálkkašumi oaččui Agnete Johnsen, ja dan son lea ožžon goalmma háve. 2008:s oaččui dán bálkkašumi vuosttaš geardde «The BlackSheeps» joavkkuin. Diibmá vuittii maid dán bálkkašumi, ja dasa lassin šattai maid Jagi 2013 sápmelaš.

Olbmot leat jienastan finnmarken.no ja fd.no neahttasiidduin, ja muhtumat leat sáddestan iežaset jiena poastta mielde. Oktiibuot leat badjelaš 6000 jienastan, ja Johnsen vuittii, oaččui 58 jiena eanet go Ken Arne Brox.

Gehččiid jiellat

Unjárgga nieida šattai dovddusin go vuittii Melodi Grand Prix jr 2008 ovttas The BlackSheeps -joavkkuin. Son lea maiddái leamašan mielde Melodi Gran Prixas, ja Stjernekamp -gilvvus, mas šattai nubbin.

Agnete Johnsen og Egor Filipenko

Agnete vuittii Skal Vi Danse gilvvu.

Foto: Tor-Emil Schanche / NRK

Dán jagi lei Johnsen mielde TV2 prográmmas Skal vi danse, man vuittii. Sutnje dat leat olu geahččit liikostan, ja maiddái duopmárat rámiidedje su ja adde buriid árvosániid. Johnsen lea lohkan Finnmarken -aviisii ahte ii jáhkkán iežas vuoitit dán jagi, ja lea hirbmat duhtavaš ahte olbmot Finnmárkkus dorjot su.

Dán jagi galgá Johnsen bargat maiddái Hålogalándda Teáhteris, gos neavttaša Dorothy, «Trollmannen fra Oz» čájáhusas.