NRK Meny
Normal

Dán fertet váruhit go leat mátkkošteamen!

Dihtet go ahte sáhtát giddagassii gártat go čoakkát geđggiid sáttogáttis?

Solparasoller i syden

Mátkkoštettiin sáhtát rihkkut lágaid man birra it leat goassige gullan.

Foto: Lier, Gunnar / SCANPIX

Mátkkošteapmi lea sihkkaris geassemearkka. Máŋggas mannet lieggariikii návddašit fiinna sáttogáttiid ja jalkát olgun báhkkabeaivvadahkan. Earát ges mátkkoštit stuorát gávpogiidda gos besset gávppašit hálbbit valuhtain go Norggas.

Gardermoen pir syd

Ii leat álo álki diehtit maid ferte váruhit go lea mátkkošteamen.

Foto: Einar Yohsuke Kosaka / NRK

Muhto dihtet go ahte mátkkoštettiin sáhtát rihkkut lágaid man birra it leat goassige gullan? Sáhtát sáhkohallat go váccašat bikiniin, giddagassii gártat go čoakkát geđggiid sáttogáttis ja biddjot eret riikkas jos leat tatoveren gieđa.

Dá leat lágat maid it diehtán ahte don rihkkot:

Sri Lanka lea riika gos ii dohkkehuvvo buddhisma lágaid rihkkut.

  • 2010:s áiggui beakkán R&B artista Akon doallat konseartta Sri Lankas, muhto son ii beassan riikii. Sivvan dasa lei go su musihkkavideos "sexy bitch"- šuoŋas, man ráhkadii ovttas David Guettain, measta álás nissonat ovddabealde Buddha-bácci.
  • Emirates 247 čállá ahte 2013s sáhkohalai ges nissunolbmoš Sri Lankas go sus lei Buddha-govva tatoverejuvvon.

Ovttastuvvan arábaeriráhtat lea riika gos leat olu garraset njuolggadusat go mis Skandinávias.

  • Muhtin sajiin doppe it sáhte vázzit unnán biktasiiguin sáttogáttiin. Dušše dan geažil sáhtát sáhkohallat. Eiseválddit Ras al-Khaimahs leat bidjan galbbaid almmolaš sáttogáttiide fuomášuhttin dihtii ahte sáhtát sáhkohallat jus dušše bikini lea badjelis doppe.

Jus leat Spániai jođus, de fertet doppe ge váruhit ahte ii leat dušše bikini badjelis jos gáiddat menddo guhkás eret sáttogáttis.

  • Mallorcas leat báikkiolbmot nu dolkan unnán gárvodan turisttain ahte sii leat gieldán nissoniid vázzimis dušše bikini badjelis ja almmáiolbmuid vázzimis báiddi haga Palma-gávpogis.
    Vespa og bikini

    Jus leat Spániai jođus, de fertet doppe ge váruhit ahte ii leat dušše bikini badjelis jos gáiddat menddo guhkás eret sáttogáttis.

    Foto: JOHN D MCHUGH / Scanpix/AFP
  • Seamma maid Barcelonas. Doppe maid ii leat lohpi vázzit álás dahje measta álásin almmolaš báikkiin. Dat mearkkaša ahte sáhtát dušše sáttogáttis leat álás.

Leat go don okta dain gii čoakkát geđggiid sáttogáttiin? Durkkas leat dál dolkan turisttain geat nu dahket.

  • 2013:s válde gitta amerihkálačča girdišiljus Antalyas, go navdui njágaldahttimin antihkalaš dávviriid Turkias. Ii han son diehtán ahte ii leat lohpi váldit mielde ruoktot geđggiid, maid lei čoaggán sáttogáttis.