Olbmot barget nu olu go sáhttet vai galggaše leat nu čábbát go vejolaš. Dál de lea Instagramas vejolaš oaidnit muhtun ođđa goanstta. Dohko olbmot almmuhit govaid mas oaidná ahte sii leat báidnán guolggaid mat leat gieđavuolis. Dát sáhttet leat vaikko makkár ivnnis, nugo čuvgesrukses, alit ja ruoná.
Vuoktačuohppi Roxie Hunt čállá ahte ii leat mihkke čiegus áššiid ahte muhtumiin leat guolggat gieđavuol. Son gal háliida ávvudit dáid guolggaid.
– Mun lean álo háliidan geahččalit báidnit dieid guolggaid, ja go moai leimme muhtun bargoskihpáriin viina jugadeame, de dagaime dan. Dat manai bures, ja dovden ahte dát lea dego guolggaide vuoitun, lohká Hunt.
Dát treanda lea ožžon olu mediafuomášumi, ja ovddit vahkus de lei dát man birra «buohkat» hálle USA mediain.
Instagramas leat dál govat main lea fáddágilkor #dyedpits boahtán miehtá máilmmi. Das lea sihke olbmot geat leat ieža báidnán guolggaid, ja sii geat leat fitnan vuoktačuohppi luhtte báidnime daid. Geahča dá:
- Loga maid: Skaper ny trend med nye etternavn
