NRK Meny
Normal

#Árgagákti

Son hástá iežas olbmáid coggat gávtti vihtta maŋŋálas beaivvi, govvet ja bidjat govaid sosiála mediai.

Sandra Marja West

Sandra Márjá West

Foto: Privat

Sandra Márjá West láve duollet dálle coggat gávtti, vaikko vel leage áibbas dábálaš árgabeaivi.

– Muhtomin orun iežan mielas hui okto gávttehassan, muhto mun dieđán ahte doppe leat earát maid, geat lávejit coggat gávtti.
– De mun smihtten ahte sáhttá sosiála mediaid bokte čalmmustahttit ahte leat máŋggas geat vázzet gávttiin, ii dušše ávvobeivviid.

Nu buollái Sandra Márjjas miella earáid maid hástit searvat dása.

Hástá du maid searvat!

Mannan vuossárgga, cuoŋománu 11. beaivi lei gáktebeaivi man Noereh nuoraidsearvi lea álggahan. Dan olis maid bohciidii Westii dát jurdda.

> Loga maid dárogillii: I dag skrur Laila bil med kofta på

– Ja de leat maid sosiála mediain hásttuhan bidjat vihtta árgabeaigova, de mun smihtten manne ii bidjat vihtta maŋŋálas árgabeaivvis gáktegovaid.

Ja Sandra Márjá maid hástá du searvat dása.

– Mun hástán maiddái earáid coggalit gávtti ja bidjat gova sosiála mediaide ja geavahit #árgagákti, ja maiddái hásttuhit skihpáriid.

Sandra Márjá West lei Rádiosiidas guossin 08.04.16, guldal olles jearahallama dás:

Son hástá iežas olbmáid coggat gávtti vihtta maŋŋálas beaivvi, govvet ja bidjat govaid sosiála mediai.