Odne ožžot sii geat leat ohcan oahpposaji čakčii, vástádusa guđe ohppui leat beassan.

Muhto jus don leat sin gaskkas gii ii leat beassan ohppui masa ledjet háliidan dahje leat vajálduhtten ohcat oahpposaji cuoŋománu 15 beaivvi rádjái, de lea dus ain vejolašvuohta ohcat oahpposaji odne. Odne oainnat almmuhuvvoje sajit mat eai leat vel devdon.

Samordna opptak lea odne álmmuhan 1580 liige oahpposaji iešguđet báikkiin.

Earret eará leat Sámi allaskuvllas maid rabas oahpposajit bacheloroahpuin, nu mot boazodoaluoahpus, sámi mánáidgárdeoahpaheaddjioahpus ja sámegiela ja sámi girjjálašvuođaoahpus.