VG: Politiet rykka ut til annen adresse etter Oslo-skytinga

Natt til 25. juni, då Zaniar Matapour skaut mot to utestader i Oslo, rykka politiet ut til en annen adresse. Det skriv VG.

Ifølgje vitnar avisa har prata med dukka det opp væpna patruljar i Olav Vs gate i Oslo, mellom Nationaltheatret og Aker Brygge.

Det var etter at Zaniar Matapour vart pågripen 600 meter unna, i Rosenkrantz’ gate

Fleire skal ha høyrd politiet seie «Vi er på feil adresse», før dei køyrde vidare.

Skal evaluere handteringa

NRK var i kontakt med politiet tidlegare i dag, og dei stadfestar at det var fleire patruljar i eit større område rundt åstaden.

– Vi kan på noverande tidspunkt ikkje gå i ytterlegare detaljar på den operative handterningen eller grunnlaget for patruljane si posisjonering, seier Frode Andreassen.

Han er fungerande leiar av felles eining for operativ teneste. Andreassen legg til at dei skal evaluere korleis politiet handterte hendinga.

– Politiet ser fram til at det blir gjennomfør ei uhilda evaluering.

Dei vil kome tilbake med fleire detaljar rundt dette seinare.