Den russiske våpensmuglaren Viktor Bout, også kjend som «dødens kjøpmann», har kjempa mot utlevering sidan mars 2008, då han blei arrestert i Bangkok i ein felles amerikansk-thailandsk operasjon.
Domstolen i Bangkok avviste tysdag siktingane om pengeforfalsking og svindel, som til no har vore eit stort hinder for ei utlevering til USA. Ifølgje dommarane var det ikkje lagt fram tilstrekkeleg med bevis for å dømme Bout.
- LES OGSÅ:
Om han vert utlevert og dømd i USA, risikerer han livstid i fengsel, der han vil verta tiltalt for terror - blant anna for å ha konspirert for å drepa amerikanske agentar,
– Oppdikta
Den tidlegare sovjetiske forsvarspiloten hevdar ifølgje Reuters at terror-skuldingane er oppdikta av USA. 43-åringen har bede den thailandske statsministeren Abhisit Vejjajiva om å bruke si makt til å nekte utlevering fordi livet hans er i fare dersom han vert sendt til USA.
Etter domsavseiinga tysdag bad Bout umiddelbart advokaten sin om å anke saka.
Ifølgje thailandsk påtalemakt ligg gangen vidare i saka i hendene til forsvararane til Bout og den thailandske regjeringa.
- LES OGSÅ:
Bout snakkar seks språk og er kjend under åtte forskjellige alias.
Tilnamnet «dødens kjøpmann» blei først brukt av ein tidlegare britisk utanriksminister.
