Medlemene frå Ap, SV og Sp avslutta måndag behandlinga av statsbudsjettet.
Det raudgrøne fleirtalet gjer framlegg om ei ekstraløyving på 17,7 millionar kroner til utvalde grupper. Dette skal finansierast med kutt i overføringane til dei regionale helseføretaka.
Komiteen vil bruke millionane på i alt åtte grupper og område. Dette er diabetikarar, psoriasispasientar, Duchenne-born og personar med muskel- og skjelettlidingar.
Øyremerkjer midlar
Det vert òg øyremerkt midlar til å styrkja ammehjelpa, tiltak retta mot fysisk inaktive vaksne, og til å ned talet på røykjarar i arbeidslivet. I tillegg vert det òg øyremerkt pengar til betre skulehjelpstenster i Finnmark, Drammen, Groruddalen og Søndre Nordstrand.
Prioriterer førebygging
– Me vel å prioritera førebygging framfor reparasjon, seier dei helsepolitiske talsmennene for det raudgrøne fleirtalet, Jan Bøhler (Ap), Rune J. Skjælaaen (Sp) og Johnny Ingebrigtsen (SV).
Komiteen har òg vedteke å auka løyvingane til førebyggjande tiltak innanfor rusfeltet med 25 millionar kroner, på grunnlag av budsjetthøyringane i finanskomiteen.