I «Brennpunkt» i kveld vert opptaka offentleggjorde.
I programmet møter me ein ung norsk mann. Ein soldat som er glad i livet og flink i jobben sin for ISAF i Afghanistan.
Med seg i baggasjen til Meymaneh i Afghanistan hadde han sitt eige videokamera. Jørgensen skulle nemleg vera med i ein dokumentarfilm om korleis livet som soldat i Afghanistan var, og selskapet «Videomaker» hadde fylgt han heilt frå fyrste treninga i Troms før avreise.
Sjå Brennpunkt direkte kl. 21.30:
Fyrste bomba - oktober 2007
Berre med få vekers mellomrom kom Jørgensen ut for to vegbomber. Og videoopptaka syner at dette fyrste åtaket prega han sterkt i tida før han kom ut for vegbombe nummer to – og døydde.
Fyrste åtaket skjedde i Baghdis-provinsen i byrjinga av oktober i fjor. Ei vegbombe gjekk av under bilen, og dette gjorde noko med den unge soldaten.
I videodagboka fortel han at det tok ei heil veke frå bomba small til han greidde å snakka til kameraet att.
Han fortel at nokre gonger kjem dei skremmande bileta frå åtaket fram på netthinna. Han såg kva som skjdde på nytt og på nytt.
– Det var ei ganske skremmande oppleving det heile, seier han.
Hendinga fekk han òg til å tenkja meir på familien sin.
– Eg er kjempeglad i familien min. Etter det som skjedde prøver eg å seia det kvar dag når eg ringjer heim. Eg vil ikkje at dei ikkje skal vita at eg er det, viss det skulle skje noko.
Andre bomba - november 2007
Kristoffer Sørli Jørgensen døydde 8. november eksploderte nok ei vegbombe og han Jørgensen døydde momentant.
Sjå:
Les òg: