Fleire bankar er på hugget, ifølgje siviløkonom Pål Ringholm, analysesjef for kreditt i Swedbank. Kreditteksperten meiner nye rentekutt er rett rundt hjørnet.
– Norges Bank kjem til å senke renta, og bankane kjem til å følgje etter, seier Ringholm til NRK.
- LES OGSÅ:
Danske Bank med på rentekrig
12. desember i fjor nedjusterte Norges Bank styringsrenta til rekordlåge 1,25 prosent.
RENTEKRIG: Påtroppande sjef i Danske Bank i Noreg, Trond Mellingsæter, lovar hardare kamp om lånekundane.
Foto: dendanskebank.comNeste rentebeslutning blir gjort offentleg kjent i neste veke, torsdag 7. mai.
Trond Mellingsæter tek snart over som toppsjef i Danske Bank i Noreg. Rentekutt blir ein viktig faktor for å kapre fleire kundar, ifølgje den påtroppande sjefen.
– Rente er ein av fleire viktige faktorar. Vi har ein klar og uttalt ambisjon om å ta ein betydeleg større plass i den norske marknaden. Vi skal vekse, og vi skal vekse meir enn marknaden gjer, seier Mellingsæter til NRK.
- LES OGSÅ:
– Det er ei god kjensle
Leiar i fagforeininga Akademikerne, Knut Aarbakke, har allereie sikra sine medlemmer endå billegare lån.
– Danske Bank gir oss 2,6 i flytande rente, og vi har eit fastrentetilbod som nærmar seg to blank, seier Aarbakke til NRK.
– Det er ei god kjensle. Den kollektive forbrukarmakta vi har, har faktisk ført til ein slags rentekrig, seier han.
– Eg trur renta skal vidare nedover. Det seier også fagøkonomar som jobbar med dette. Det at fastrentenivået er så lagt, er eit signal om bankane også trur at renta skal vidare nedover.
- LES OGSÅ:
