Salmar-arvingen og modell Gustav Magnar Witzøe (f. 1993) var på andre plass på skattelista for 2020, med ein formue på nesten 7,65 milliardar kroner. I fjor hadde han ein nettoformue på 19.796.945.007 kroner.
Han er dermed også på topp på formueslista for dei under 30 år.
Witzøe bidrog mest til statskassa i fjor, med heile 551.393.215 kroner i skatt.
Aker-eigar Kjell Inge Røkke som i år flytta til Sveits, kjem på andre plass. I fjor hadde han ein formue på nesten 18 milliardar, og betalte over 181 millionar i skatt.
Etter Røkke kjem Oljefond-sjef Nicolai Tangen, som står på same plass som i fjor, sjølv om nettoformuen er redusert med nesten 500 millionar.
Han betalte 66 millionar i skatt i fjor, og hadde ei nettoinntekt på 0 kroner, ifølge skattelistene.
Dei første kvinnene på lista er søstrene og Ferd-arvingane Alexandra Gamlemshaug Andresen (f. 1996) og Katharina Gamlemshaug Andresen (f. 1995).
Dei er høvesvis nummer seks og nummer 7 på lista. Begge har ein formue på nesten 5 milliardar. Av dei to søstrene var det Alexandra som betalte mest skatt i 2021.
Skattelistene viser ikkje heile sanninga når det kjem til kven som er dei rikaste i Noreg (sjå faktaboks).
Til dømes betalte dei 20 rikaste personane i Noreg, ifølge Kapital si oversikt, totalt 992.130.127 kroner i skatt i 2021.
Det er over 184 millionar kroner mindre enn dei fire personane som betalar mest skatt i Noreg, syner skattelistene.
Dei 20 rikaste nordmennene har ein nettoformue på tilsaman 41 milliardar kroner, ifølge skattelistene. Ser ein på Kapital si oversikt, har Noregs rikaste mann, John Fredriksen, åleine 124 milliardar i formue.
Her er dei med høgast nettoformue
Plass | Navn | Fødselsår | Kommune | Formue |
---|---|---|---|---|
1. | gustav magnar witzøe | 1993 | Frøya | 19 796 945 077 |
2. | kjell inge røkke | 1958 | Asker | 17 841 930 790 |
3. | nicolai tangen | 1966 | Oslo | 7 613 329 963 |
4. | odd reitan | 1951 | Trondheim | 6 211 776 451 |
5. | johan johannson | 1967 | Oslo | 5 825 705 306 |
6. | alexandra gamlemshaug andresen | 1996 | Moss | 4 939 984 145 |
7. | katharina gamlemshaug andresen | 1995 | Oslo | 4 911 511 920 |
8. | magnus reitan | 1975 | Oslo | 4 870 204 703 |
9. | ole robert reitan | 1971 | Oslo | 4 765 662 497 |
10. | else helene sundt | 1979 | Oslo | 4 031 150 873 |
11. | edgar haugen | 1965 | Oslo | 3 499 519 319 |
12. | trond mohn | 1943 | Bergen | 3 132 786 131 |
13. | ivar erik tollefsen | 1961 | Bærum | 3 038 263 330 |
14. | rannfrid rasmussen | 1935 | Kristiansand | 2 686 651 175 |
15. | erik christian must | 1973 | Bærum | 2 560 403 553 |
Oppover for daglegvarekonsern
Med ein nettoformue på over 6 milliardar står Rema 1000-gründer og eigar av Reitan-gruppa Odd Reitan (f 1951) er fjerde på lista. Med det har han klatra to steg på lista frå 2020.
Han er nummer to på Kapital si liste over landets rikaste.
Det siste året har formuen hans auka 25 prosent. Han er Noregs skatteytar nummer to, ifølge skattelistene. I fjor betalte han 218.991.715 kroner i skatt.
Johan Johannson (f. 1967) eig 74 prosent av aksjane i daglegvarekonsernet Norgesgruppen saman med familien. Han er nummer fem på lista, slik som i fjor.
I 2020 hadde han over 6 milliardar, i 2021 hadde han omtrent 5,8 milliardar i nettoformue.
Johannson betalte rundt 51,7 millionar i skatt i fjor, som tilsvarar 41.-plass på skattelista. Han hadde ei inntekt på nesten 5,5 millionar.
Nokon plassar ned, kjem sønene til Odd Reitan, Magnus Reitan (f. 1975) og Ole Robert Reitan (f. 1971).
Magnus er administrerande direktør i Reitan Kapital AS, og Ole Robert er administrerande direktør i Reitan Retail AS. Brørne sitt bidrag til statskassa landa på tilsaman over 401 millionar kroner i skatt.
Skattelistene: Desse betalte mest skatt
Plass | Navn | Fødselsår | Kommune | Skatt |
---|---|---|---|---|
1. | gustav magnar witzøe | 1993 | Frøya | 551 393 215 |
2. | odd reitan | 1951 | Trondheim | 218 991 715 |
3. | bjørn rune gjelsten | 1956 | Oslo | 205 118 740 |
4. | magnus reitan | 1975 | Oslo | 200 997 666 |
5. | ole robert reitan | 1971 | Oslo | 200 612 254 |
6. | alexandra gamlemshaug andresen | 1996 | Moss | 195 698 755 |
7. | else helene sundt | 1979 | Oslo | 191 905 651 |
8. | kjell inge røkke | 1958 | Asker | 181 083 757 |
9. | karl johan lier | 1960 | Sveio | 171 855 233 |
10. | edgar haugen | 1965 | Oslo | 167 930 154 |
11. | tor øivind fjeld | 1979 | Oslo | 132 535 141 |
12. | katharina gamlemshaug andresen | 1995 | Oslo | 117 469 688 |
13. | kjell blakseth | 1955 | Tønsberg | 112 342 374 |
14. | kristoffer daniel norambuena | 1990 | Indre Østfold | 111 612 833 |
15. | erik christian must | 1973 | Bærum | 100 985 130 |
Noregs rikaste kvinne
Etter Reitan-brørne kjem den tredje kvinna på lista, Else Helene Sundt (f. 1979), på ein 10.-plass. Ho har ein nettoformue på 4.031.150.873 kroner, ifølge skattelistene.
Sundt er eigar og styremedlem i Sundt AS, og gjennom selskapet sit ho saman med bror sin Christian eigardelar i hotellselskapet Pandos, Eiendomspar og flyselskapet Norwegian.
På inntektslista er ho nummer fire, med ei inntekt på opp mot 504 millionar kroner.
Ifølge Kapital si liste over landets 400 rikaste, er Sundt den rikaste kvinna i Noreg. Der står ho på 29.-plass.
Samtidig er ho nummer sju på skattelistene si liste over kven som betalar mest skatt.
Skattelistene: Desse tente mest
Plass | Navn | Fødselsår | Kommune | Inntekt |
---|---|---|---|---|
1. | gustav magnar witzøe | 1993 | Frøya | 1 207 825 884 |
2. | bjørn rune gjelsten | 1956 | Oslo | 584 366 401 |
3. | odd reitan | 1951 | Trondheim | 524 017 400 |
4. | else helene sundt | 1979 | Oslo | 503 829 215 |
5. | ole robert reitan | 1971 | Oslo | 503 169 098 |
6. | magnus reitan | 1975 | Oslo | 501 104 905 |
7. | kristoffer daniel norambuena | 1990 | Indre Østfold | 483 838 590 |
8. | alexandra gamlemshaug andresen | 1996 | Moss | 482 672 538 |
9. | edgar haugen | 1965 | Oslo | 430 694 218 |
10. | karl johan lier | 1960 | Sveio | 370 789 032 |
11. | tor øivind fjeld | 1979 | Oslo | 352 331 768 |
12. | kjell blakseth | 1955 | Tønsberg | 350 172 117 |
13. | thage patrik thomas hilde | 1966 | Bærum | 281 739 291 |
14. | sigurd marius skaugen | 1958 | Oslo | 272 363 992 |
15. | tom eide-knudsen | 1959 | Fjaler | 268 436 177 |
Her kan du lesa oversikta over fjorårets skatteliste: