– Når kalenderen viser 1. september er det eigentleg haust, men denne helga blir det varmt og fint seinsommarvêr i mesteparten av Noreg, seier statsmeteorolog Rafael Escobar Løvdahl.
20 grader
Han viser fram vêrkart med sol i alle landsdelane og høgare temperatur enn forventa for denne helga.
– Sørlandet, Telemark, Austlandet, Midt-Noreg og Nord-Noreg får fint vêr laurdag med 20 grader enkelte stader. I vest startar det også fint laurdag, men så tek vinden frå sør seg opp og det skyar noko til. Men det kunne jo vore nordleg kuling og betydeleg lågare temperatur, seier meteorologen.
Ikkje haustvêr enno
Definisjonen for når hausten set inn, er ifølgje vêrmannen når døgnmiddeltemperaturen ligg mellom 0 og 10 grader.
– Vi er ikkje der enno. Men allereie søndag kjem det nedbør både i vest og nordover i landet, så nyt den første haustdagen, smiler Escobar Løvdahl.
Yr.no har tidlegare teke eit dykk i statistikkane for å sjå når hausten normalt sett kjem til dei ulike byane: