Lovforslaget vil seie at høvet vi har i dag til å felle vilt som direkte går til åtak på bufe, tamfe, gris og fjørfe, også skal gjelde for åtak på hundar.
Endringane i naturmangfaldlova er ei direkte følgje av rovdyrsforliket i fjor, då Stortinget bad om nettopp dette.
LES:
LES:
Lovendringa vil truleg først og fremst omfatte jakthundar. Dersom Stortinget rekk å behandle forslaget i løpet av våren, vil endringane kunne skje før jaktsesongen i haust.
Ulv drap elghund
I byrjinga av mars i år blei ein elghund drepen av ulv på Lindeberg i Oslo.
Hundeeigaren slapp hunden laus under ein kveldstur, som forsvann og ikkje kom tilbake. Første neste morgon fann han tispa ein kilometer frå ein parkeringspass i eit bustadområde.
LES: Ulv drap hund på Lindeberg
LES:
Statens Naturoppsyn blei varsla, og konstaterte at hunden var drepen av ulv.
Den same ulven er i ettertid blitt observert i Østmarka der den markerer revir. Der skal den ha streifa rundt i heile seks veker før eit rovviltkamera i Høland fanga opp hannulven.
Rovviltkontakt Torbjørn Tveter i Statens Naturoppsyn er sikker på at dette er same ulven.
– Ja det er nok denne som gjekk til åtak på ein elghund i Oslo. Eg kjenner att spora frå Lindeberg, så eg er nesten sikker på at det er same dyret.
Såg sin eigen hund bli biten
Også i Birkenes i Aust-Agder skal ein familie ha vore vitne til at familiehunden blei angripen av ulv.
LES:
– Ulven sto over hunden og hadde et godt tak, når vi nærma oss den gikk den forsiktig inn i skogen, seier Rune Dalene til NRK.no. Hunden fekk fleire bittskader og blei frakta til dyrlege. Den overlevde.