I fleire år har rettspsykiater Randi Rosenqvist tatt til orde for ein ny type institusjon for sjuke straffedømde. No får ho støtte frå Arbeidarpartiet.
Ap går til val på eit program der dei skriv at dei vil «etablere tryggingsheimar for forvaringsdømte i tett samarbeid med helseføretaka», skriv Klassekampen.
– Det finst nokre menneske som er farlege for andre og som ikkje kan rehabiliterast. Nokre av dei er kronisk psykotiske, nokon er hjerneskadde. Eg syntest ingenting om at dei skal sitje i fengsel i 50 år, seier Rosenqvist.
Justispolitisk talsperson i Sp, Jenny Klinge, seier dei vil setje seg inn i forslaget.
– Dette synest å vere i tråd med det vi er opptekne av. Dei sjukaste fangane må få betre oppfølging. Dette vil vi sjå nærare på, seier Klinge.
Justispolitisk talsperson i SV Petter Eide liker òg det han høyrer.
– Dette er ny politikk for Ap, og i tråd med det eg har meint heile tida, seier han.