Politiet avbraut to store festar i Oslo

Til saman 45 festglade menneske er politimelde for brot på smittevernreglane etter at Oslo-politiet kom over to store privatfestar på Grønland laurdag kveld.

Rundt 50 personer anmeldes for brudd på smittevernreglene etter to arrangementer i utleielokaler i dette området på Grønland i Oslo.

45 festdeltakarar vert politimelde for brot på smittevernreglane etter to arrangement i utleigelokale i dette området på Grønland i Oslo.

Foto: Fredrik Hagen / NTB

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

Politiet har avbrote fester helt frå Lyngdal i sør, til Bjørnevatn i Finnmark.

Etter tips frå naboar, tok politiet seg like etter midnatt inn i ein bygard ikkje langt frå politihuset på Grønland i Oslo sentrum.

Først vart ein fotballfest med 22 deltakarar avbroten. Politiet skildrar det som eit privat arrangement i eit slags klubblokale der det vart vist ein fotballkamp.

Alle dei 22 vart melde for brot på smittevernreglane.

Operasjonsleiar Line Skott i Oslo politidistrikt seier til NTB at det kan ha vore fleire på festen.

– Kva dette er, har vi ikkje fått avklart heilt. Det er veldig sannsynleg at det var fleire til stades enn desse 22, men mange stod utanfor i eit portrom då vi kom, seier Skott.

Kort tid etter oppdaga politifolka nok ein fest i eit anna utleigelokale i den same oppgangen i den same bygarden.

Der var rundt 23 personar til stades. Også dei vart melde for brot på smittevernreglane, melder operasjonssentralen.

Laster Twitter-innhold

Utleigelokale

Begge stadane ser ut som utleigelokale som er separate og uavhengige av kvarandre, ifølgje politiet.

– Men lokala er tronge, så her har folk setet tett. På eit av stadane vart det og seld mat og drikke, utan serveringsløyve, så her vil vi ta kontakt med Næringsetaten i kommunen, seier operasjonsleiaren.

Det vart ikkje seld alkohol på dei to arrangementa.

Fleire festar andre stadar

I Mosjøen i Nordland braut politiet opp ein privatfest med 12 deltakarar ved totida i natt.

Politiet i Finnmark opplyste ved totida natt til søndag på Twitter at dei har avslutta ein ungdomsfest på Bjørnevatn i Sør-Varanger der fleire enn 10 var til stades.

Fleire andre stadar, mellom anna i Kristiansand, Tvedestrand og Honningsvåg har politiet vore på private fester og bede folk dempe seg. Politiet har ikkje oppgitt om nokon av desse festane har vore i strid med smittevernreglane.

Politiet avslutta ein fest med 10 deltakarar i Lyngdal, alle blir meldt til politiet for brot på smittevernlovgivinga.

Fleire stadar har politiet og kontrollert skjenkestadar, mellom anna i Narvik og Mosjøen, med tanke på smittevernreglane. I begge byane har politiet kome med merknadar, særleg på kor mange gjestar som var til stades i lokala.

Laster Twitter-innhold

Status Norge

Sist oppdatert: 03.12.2020
2 221
Siste uke
111
Innlagt
353
Døde

SISTE NYTT

Siste meldinger