8000 politifolk og 14 pansra køyretøy er sett i beredskap i den franske hovudstaden denne helga for å møte nye demonstrasjonar.
Det opplyser politisjefen i Paris til radiostasjonen RTL.
Førre helg gjekk folk amok i gatene rundt paradegata Champs-Elysees. Bilar blei sett i brann, fasadar vart knust og butikkane vart plyndra.
Nesten 1000 arresterte
Det er den femte helga på rad at demonstrantar iført gule vestar varslar demonstrasjonar i Paris, blant anna i protest mot regjeringas planlagde auke av bensinprisane.
Førre søndag rydda hundrevis av arbeidarar glas og reparerte fasadar og vindauge etter øydeleggingane dagen før.
Mange bankar og butikkar fekk merke sinnet til demonstrantane. Rundt 1000 vart arresterte.
Betongklossar og stålnetting
På ny må butikkeigarar førebu seg på tilsvarande kaos. Natt til laurdag er fasadar spikra att med sponplater eller beskytta med stålnetting.
Somme nyttar betongklossar for å motverke skade og plyndring.
- Les også: