Fra før heldt Lækjarar utan grenser rekorden med 206 millionar kroner.
Landsoversikten oppdaterast utover natta på tekst-tv side 431.
I år som i fjor ga Stoltenberg-regjeringa 30 millionar kroner.
Dronninga imponert
Dronning Sonja, som er innsamlingsaksjonen si høge beskyttar, er imponert over den valdsame dugnadsanda som kjem til syne kvar gång TV-aksjonen går av stabelen.
- Gjevargleda i Norge er veldig spesiell per capita, meiner dronninga som i september vitja Kenya der ho verkeleg fekk sjå kor ille mange born har det.
- Ein ting som er viktig for meg, er å sjå sjølv, å ha kontakt med menneska, sjå deira bakgrunn og forstå deira situasjon, sa dronninga som mellom anna vitja slummen i Nairobi, der foreldrelause Winston gjorde eit svært sterkt inntrykk på ho.
Næringslivet på bana
Størstedelen kjem frå bedrifter, opplyser PR-ansvarleg Kristian Sarastuen.
- For tre dagar sidan hadde vi fått 15 millionar kroner frå næringslivet i Norge. Det er utruleg bra, seier Sarastuen.
Nytt fokus
I fjor fekk aksjonen inn 12,2 millionar frå bedrifter i forkant av innsamlingsdagen. Då vart det rekord.
- Vi har lagt mykje arbeid i å leggje til rette for næringslivet og lage løysingar som appellerar til dei. Difor trur eg vi har fått inn så pass mykje frå bedriftene.
- Dette skal bli tidenes innsamling. Eg er ikkje i tvil, sa prosjektleiar Per Jordal søndag og fekk støtte frå programleiar Dan Børge Akerø.
LES MEIR: