EØS-reglane sikrar at alle frå EØS-området som jobbar her i landet, har rett på kontantstøtte til borna sine, same om borna bur her i landet eller i Polen. 600 av dei 880 mottakarane er frå Polen, og det neste landet på lista er Litauen med 70.
Kontantstøtta blir gitt til eittåringar, som ikkje har heiltidsplass i barnehage. I Noreg blir dette nøye kontrollert, men ikkje i utlandet. Støtta er på 6000 kroner i månaden, ein sum som er verd langt meir i Polen enn her i landet.
– Naturleg konsekvens
– Dette er ei ordning som blir oppfatta som lukrativ, og som dei har rett på ut frå lova. Vi kan forvente at auken vil halde fram i tida som kjem. Det er ein naturleg konsekvens av det regelverket vi har og den arbeidsinnvandringa vi har til Noreg, seier kunnskapsdirektør Yngvar Åsholt i Nav.
Regjeringa synest ikkje det er greitt at kontantstøttemottakarar som bur i til dømes Polen får like i støtte som dei som bur her i landet.
– Vi ser no at det er ein vekst, ikkje berre for kontantstøtte, men også for andre trygdeytingar, og det vil vi gjere noko med, seier statssekretær Kai-Morten Terning (Frp) i Barne- og likestillingsdepartementet.
LES OGSÅ:
LES OGSÅ:
– Ikkje enkelt å endre
– Alle som jobbar her i landet har krav på dei same ytingane, men det er ikkje rimeleg at dei som bur i eit land med lågare kostnadsnivå, til dømes i Polen, skal få like mykje utbetalt som dei som bur i Noreg, legg han til.
Det er ikkje enkelt å få til slike endringar. Noreg har alt tap ei sak i Efta-domstolen om eksport av barnetrygd. Fleire juristar har uttrykt skepsis til om EØS-retten vil godta redusert på norske velferdsytingar som blir utbetalt i andre europeiske land.
LES OGSÅ:
LES OGSÅ:
LES OGSÅ: