– Det bikka akkurat så vidt over, slik at vi fekk inn meir straum frå utlandet enn det vi eksporterte, seier kommunikasjonsdirektør Henrik Glette i Statnett.
Sjølv om Noreg gjekk frå eit eksportland til importland, var det ikkje dei store mengdene med straum som vart kjøpt inn netto. Ifølgje Statnett, som måler kraftflyten i det norske straumnettet, kan den importerte straumen samanliknast med forbruket til ca. 7.000 norske husstandar.
– Ved eit normalt år er det ca. 16 til 18 TWh (terawattimer) med nettoeksport, medan det i fjor var ein nettoimport på 0,16 TWh, seier Glette i Statnett.
Det meste av straumen vart importert frå Sverige og Danmark.
Les òg:
Les òg:
Tørkesommar førte til mindre produksjon
Årsaka til kraftimporten kan sporast tilbake til den tørre sommaren i 2018. Det førte til historisk låge vasstandar over store delar av Noreg og lite vatn i magasina. Hetebølgja førte òg til driftsproblem i mange kraftverk og høgt straumforbruk.
Les òg:
Med det friskt i minnet, sparte kraftprodusentane i 2019 på vatnet i periodar då straumen var billegare i utlandet. Til saman vart det produsert 133 TWh (terawattimer) i løpet av fjoråret.
Det er betydeleg lågare enn det som har vore vanleg dei siste åra.
Noregs vassdrags og energidirektorat (NVE) kan ikkje seie noko om dette vil halde fram framover.
– Det er noko som varierer frå år til år avhengig av kor mykje det regnar, men også av kor mykje kraftproduksjon vi får bygd ut i form av vindkraftverk, seier senioringeniør Christer Skotland i Noregs vassdrags og energidirektorat.
Les òg: