Dette er den sjette største utbetalinga til ein norsk Vikinglotto-spelar nokon gong. Rekorden er frå 2017. Norsk Tipping var i kontakt med vinnaren onsdag kveld.
– Det blir ei stille og roleg feiring med ingefær-te, seier vinnaren, som ynskjer å vere anonym, til Norsk Tipping.
– Det har ikkje gått opp for meg. Eg føler meg heilt vanleg. Eg trur eg skal be om å få ut gevinsten i 100-lappar, så eg får sjå kor mykje det er, seier vinnaren til Norsk Tipping.
I 2017 stakk ei norsk kvinne av med heile potten på 341.285.000 kroner. Tidlegare i år vann ein mann vel 319 millionar kroner, medan ein andelsbank vann 305 millionar i 2016.
Ein annan andelsbank vann 275 millionar i fjor, medan ein mann frå Troms vann 216 millionar kroner i 2013.
