Nav oppdagar årleg mellom 40 000 og 50 000 saker der dei har utbetalt for høge beløp. I fjor blei det brukt 135 millionar kroner på å kreve pengane tilbake, skriv Aftenposten.
Etaten meiner sjølv at mellom 60 og 120 millionar gjekk tapt i 2011, fordi sakane blei forelda. Det skjer etter tre år.
Utdaterte datasystem får skulda
Ifølgje Nav skuldast mange feilutbetalingar gamle og utdaterte datasystem, som slit med å fange opp rette opplysningar og brukarar.
- LES OGSÅ:
Av og til kan det også vere snakk om feilbehandling frå Nav si side, og det kan også vere snakk om trygdesvindel der brukarane oppgir uriktige opplysningar.
– Dette er openbert eit vanvittig sløseri med midlar frå fellesskapet, meiner Torbjørn Røe Isaksen, arbeidspolitisk talsmann i Høgre til Aftenposten.
Kostar å kreve tilbake
Kvar femte feilutbetaling var på under 2000 kroner, medan det i snitt kosta Nav 3000 kroner å kreve inn kvar feilutbetaling.
- LES OGSÅ:
- LES OGSÅ:
Arbeidsdepartementet ønskar no å heve minimumsgrensa for kor stor ei feilutbetaling må vere før Nav skal rkeve pengane tilbake, frå 430 kroner i dag til 3440 kroner.
– Vi ønskar å bruke ressursane på å kreve inn dei store sakene,seier fungerande arbeids- og velferdsdirektør i Nav, Ellen Chr. Christiansen, som påpeikar at systemet allereie er i gang med å fornyast.