Marius Borg Høiby sikta for vald og skadeverk

Hopp til innhold

Politiadvokat Nora Beck ved Enhet Sentrum i Oslo politidistrikt opplyser til NRK at siktinga i helga gjeld både kroppskrenking og skadeverk.

Samstundes opplyser ho at dei må komme tilbake til oss med ytterlegare uttale.

Det er ikkje snakk om ei utviding av siktinga, opplyser politiet.

Politiet stadfester onsdag føremiddag at det er Høiby som er sikta i saka. Dei seier at det var ein relasjon mellom den sikta og fornærma.

Fornærma skal ha blitt varetatt av helse, men politiet veit ikkje om det er snakk om alvorlege skader.

NRK har vore i kontakt med Høibys forsvarar Øyvind Bratlien som seier han ikkje kjem til å komme med ei uttale no.

– I dag er eg opptatt av å ta vare på og vareta klienten min. Det er min prioritet no. Det er også viktig for oss å vise omsyn og respektere den andre parten skriv Bratlien i ein SMS.

Han seier at verken Høiby eller han sjølv er kjent med heile innhaldet i saka, og at Høiby heller ikkje har forklart seg til politiet.

Derfor omtaler NRK siktelsen mot Marius Borg Høiby

Pressen skal være varsomme med å bruke navn og bilde på personer som er involvert i straffesaker, og særlig gjelder dette i et tidlig stadium av saken. Det fremgår av pressens etiske regelverk, Vær Varsom-plakaten.
Vi har valgt å omtale at Marius Borg Høiby er siktet for kroppskrenkelse og skadeverk. Han er sønn av kronprinsesse Mette-Marit. Borg Høiby er medlem av kongefamilien, men har ingen offisiell rolle i kongehuset. Han har krav på et vern av sitt privatliv. Som medlem av kongehuset har kronprinsessen en helt spesiell rolle og posisjon i det norske samfunnet, og vi mener at det er et berettiget informasjonsbehov for publikum å vite at hennes sønn er siktet for kroppskrenkelse og skadeverk.
Saken har også påvirket kronprinsessens utførelse av offisielle oppdrag. Det er en alvorlig sak å bli siktet for vold. Det er viktig å understreke at Marius Borg Høiby kun er siktet, og at det ikke er kjent hvordan han stiller seg til siktelsen.

– Ei alvorleg sak

Kronprins Haakon er i Paris i høve OL. Onsdag ettermiddag trefte han pressa.

– Det er ei alvorleg sak når politiet er involverte. Samstundes er det ikkje riktig å gå inn i detaljar.

– Dette pregar meg også, men eg er her for å heie på laget vårt i OL. Det er fantastiske prestasjonar som blir lagt ned her.

Han seier det er ikkje er sikkert om kronprinsessa kjem seg til Paris. Ho skulle etter planen vere på plass på tysdag.

– Som i alle andre familiar så er det viktig å vere der. Så avgjerda vi tok var at denne gongen var det ho som skulle vere heime.

Sikta for kroppskrenking

Det var i helga at Marius Borg Høiby (27) blei pågripen og sikta for kroppskrenking.

Det stadfesta Høibys forsvarar Øyvind Bratlien til NRK tysdag.

– Han er sikta for kroppskrenking som etter lova er den minst alvorlege forma for vald, sa advokat Øyvind Bratlien til NRK då.

Heller ikkje kongehuset ville seie noko som saka, og viste til Bratlien.

Kronprinsesse Mette-Marit skulle etter planen vore i Paris under OL tysdag. Den turen blei utsett, men kongehuset seier at kronprinsessa ønsker å vere på plass seinare.

PST blei også varsla om hendinga søndag.