Talet på valdssaker mot born som blir melde til politiet i Noreg har eksplodert i løpet av dei siste åra.
I 2006 fekk politiet melding om 81 tilfelle av vald mot born. I fjor var talet oppe i 1791 saker.
I kveldens nettmøte var det mange som hadde spørsmål om vald og seksuelle overgrep mot born til Redd Barna-rådgjevar Lars Due-Tønnessen.
Du kan lesa alle spørsmål og svar nedst i artikkelen.
Lang erfaring med barnevaldssaker
Due-Tønnesen er utdanna jurist. I løpet av sine tolv år som advokat har han jobba mykje med saker om overgrep mot born.
Vald mot born blir i løpet av dei nærmaste dagane eit tema i NRK sine reportasjar både på nett, TV og på radio.
I norske lagmannsrettar finn NRK fleire døme på foreldre som har rista og slått små ungar med hovudskadar, nevrologiske skadar og døden til følge. Fleire av offera er berre månader gamle.