Hopp til innhold

I dag mistar nær ein halv million TV-kanalar og strøymetenester

Nent Group og Telia har ikkje blitt einige om ein ny distribusjonsavtale. Det gjer at om lag 470.000 kundar mistar tilgangen til fleire TV-kanalar.

Brot mellom Telia og Nent.

BROT MELLOM TELIA OG NENT: Telia og Nent har vore i forhandlingar om ny distribusjonsavtale, men har ikkje blitt einige.

Foto: Fredrik Hagen / NTB

– Vi har diverre ikkje klart å bli einige om ein ny avtale innan tidsfristen for utløp av tidlegare avtale, og det beklagar vi veldig overfor alle kundane våre, seier Pål Rune Kaalen, leiar for privatmarknaden i Telia Norge, i ei pressemelding.

Kaalen seier at Telia er innstilt på å finna ei løysing, og håpar at også Nent er det.

Han seier kjernen i konflikten er valmoglegheitene til kundane og dei ikkje skal måtta betala for innhald som dei ikkje vil sjå.

Tilgangen til Viasat-eigaren sine kanalar TV3, V4, TV6, Viasat Nature, Explorer, History, V Sport+, V sport, V Premium, V Film Family og V Sport Golf blir kutta.

TV3 logo på skilt.

TV3 er ein av TV-kanalane som Telia-kundar mistar som følgje av brotet mellom Nent og Telia.

Foto: Gorm Kallestad / NTB

I tillegg blir strøymetenestane Viaplay og Filmfavoritter påverka.

– Må vera riktig for begge partar

Kim Poder, kommersiell sjef i Nent Group, seier til NTB at distribusjonssamarbeidet må vera «riktig for begge partar» og at det må leggjast til rette for «tilgjengeleggjering på plattforma til operatøren».

– Viss ikkje dette blir oppnådd, så kan kundane få glede av innhaldet vårt gjennom eit eige abonnement på Viaplay eller via Nent Group sine andre partnarar i distribusjonsmarknaden, seier Poder og viser til at selskapet har avtale med andre distributørar i Noreg.

Lyspunkt

AKTUELT NÅ

SISTE NYTT

Siste meldinger