Framstegspartiet har lova raske kutt i den sokalla «rikmannsskatten». Men i sitt alternative budsjettet, som viser deira prioriteringar, er endringa lita.
– Me har ei moderat endring i formueskatten der me aukar innslagspunktet til ein million kroner. Det tyder at med vårt opplegg hadde kring 100.000 færre nordmenn betalt formuesskatt, seier finanspolitisk talsperson i Frp, Ketil Solvik-Olsen.
Høgre har vore meir forsiktige med sine løfter, men no kuttar dei meir enn tre gonger så mykje i formueskatten enn Frp.
Gunnar Gundersen, skattepolitisk talsperson i Høgre.
Foto: Knut Falch / Scanpix
Ketil Solvik-Olsen, finamspolitisk talsperson i Framstegspartiet.
Foto: Per Onsheim / NRK– Me hevar minstefrådraget og senkar skattesatsen frå 1,1 til 1 prosent. Og me innfører ein aksjerabatt på 10 prosent, seier skattepolitisk talsperson i Høgre, Gunnar Gundersen.
Det tyder at aksjar blir verdsette 10 prosent mindre enn marknadsverdi når staten skal gjere skatteutrekningar.
- LES OGSÅ:
Fem år til mål
Høgre kuttar nær tre milliardar. Frp kuttar nær 1 milliard.
Om ein legg til grunn Høgre sitt budsjett kjem det til å ta fem år å fjerne formueskatten. Med Frp sitt framlegg kjem det til å ta meir tid.
– Legg ein til grunn at ein skal fjerne ein milliard kroner i året, så kjem det til å ta 15 år, seier Solvik-Olsen.
Frp står likevel fast ved løftet om at dei vil fjerne formueskatten raskt. Dei berre ventar litt med dei store kutta.
– Me kjem aldri til å kome i mål med å fjerne formueskatten om me legg Frp sitt opplegg til grunn, seier Gundersen.
- LES OGSÅ:
Forhandlingar
I år har dei vald å prioritere kutt i inntektsskatten, seier Ketil Solvik Olsen.
Men det er viktig å vise kva ein faktisk ønskjer å gjere, meiner Høgre.
– Eit alternativt statsbudsjett skal jo vise kva du ville ha gjort om du sat i regjering, og me legg vekt på at det er samsvar mellom det og kva me vil gjere når me kjem i regjering, seier Gundersen.
Han er likevel ikkje så oppteken av kva Frp har føre seg på detaljnivå i sitt budsjett, og seier dei får gå i forhandlingar seinare om takten i å fjerne formueskatten.
– Då trur eg dei må vere veldig forhandlingsviljuge med oss, fordi ein kjem ikkje i mål ved å berre heva botnfrådraget, seier Gundersen.
- LES OGSÅ:
