Hopp til innhold

Trur SAS-aksjen blir nærmast verdilaus – oppmodar til å selja

Nordeas analysesjef meiner SAS-sjefen sin redningsplan er umogleg å gjennomføra.

Fire SAS-fly står parkert på rekke og rad på København lufthamn, Kaastrup.
Foto: JOHAN NILSSON / AFP

Problema tårnar seg opp for SAS.

Det skriv analysesjef i Nordea, Hans-Erik Jacobsen, i ein fersk analyse.

Rasande kundar irriterer seg over kansellerte flyavgangar, selskapet går med underskot og dei har problem med leveransen av nye fly.

I går la konsernsjef i SAS, Anko van der Werff, fram ein ny plan for å redda flyselskapet frå store underskot.

Planen er å henta inn 9,5 milliardar svenske kroner og gjera om 20 milliardar kroner i gjeld til aksjar.

Analysesjef i Nordea, Hans-Erik Jacobsen, meiner kriseplanen er urealistisk.

– Planen til SAS-sjefen om å redda selskapet verkar umogleg å få til, skriv Jacobsen i ein fersk analyse.

Han meiner aksjekursen vil falla til 10 svenske øre og tilrår kundane å selja SAS-aksjen.

Les også: SAS-kansellering rammer 26 i samme elektrikerfirma – står fast i Milano

Flyfast
Flyfast

Dårlege odds

Flyselskapet har nærmare 30 milliardar kroner i gjeld og over 5 milliardar i negativ eigenkapital.

– Så utsiktene ser ikkje lyse ut, seier Jacobsen.

Alt avheng av at SAS lykkast i å realisera ein ambisiøs spareplan kalla «SAS Forward» som kom i februar.

Hans-Erik Jacobsen, analysesjef i Nordea.

Analysesjef Hans-Erik Jacobsen i Nordea.

Foto: Pressefoto / Nordea

Målet er å spara 7,5 milliardar kroner i året og legg til grunn at dei tilsette er med på laget.

Men pilotforeininga i SAS har gjort det klart at dei ikkje signerer viss ikkje 450 oppsagde flygarar får jobbane tilbake.

Det har SAS ingen planar om.

I tillegg er leasingselskapa lite interessert i å gjera om gjeld til aksjar.

Neste steg kan vera ein rettsleg rekonstruksjon av SAS som liknar på det Norwegian gjorde med kreditorane sine for eitt år sidan.

På den måten kan SAS tvinga långivarane til forhandlingsbordet.

Les også: SAS avlyste flytur få timer før avreise

Jan Tore Kjær ved PC
Jan Tore Kjær ved PC

Spår nesten verdilaus aksje

Samtidig som den nye kriseplanen blei presentert, la selskapet også fram eit nytt underskot på 1,6 milliardar kroner.

Etter børsen opna tysdag, fall SAS-aksjen med 9 prosent. Aksjen har vore fallande sidan midten av februar, og ligg på litt over 70 øre onsdag.

No trur Nordea at aksjen blir nærmare verdilaus, med ein verdi på 10 svenske øre, og tilrår kundane å selja.

Den nederlandske konsernsjefen i SAS er tydeleg på at SAS ikkje er utsett for ein akutt konkursfare fordi selskapet har 8 milliardar kroner i kassa.

– Men ei langsiktig løysing må på plass for at SAS kan stå på eigne bein, sa han.

Les også: SAS-aksjen stuper med 25 prosent

Et SAS-fly noen sekunder etter take-off fra Trondheim lufthavn Værnes. Kun skyer rundt flyet. Hjulene er fortsatt ute, og flyet er av typen Airbus A320neo
Et SAS-fly noen sekunder etter take-off fra Trondheim lufthavn Værnes. Kun skyer rundt flyet. Hjulene er fortsatt ute, og flyet er av typen Airbus A320neo

Noreg kan bli eigar igjen

Analysesjef Jacobsen konkluderer med raude tal for SAS heile 2022.

Under pandemien fekk SAS eit lån på 1,5 milliardar frå den norske staten.

Dersom flyselskapet går med på å gjera lånet om til aksjar, vil staten igjen bli eigar av SAS.

NRK har vore i kontakt med Næringsdepartementet, men dei ville ikkje kommentera saka i dag.

Lyspunkt

AKTUELT NÅ