Det står professor og havforskar Kjell Arvid Orvik ved Universitetet i Bergen fast overfor VG.
– Det vi ser, er at straumen er livleg i den forstand at den varierer både sesongmessig og år for år. Men når vi kan sjå 20 år under eitt, viser det seg at den er stabil over lang tid, seier Orvik.
Det har vore avgjerande for forskarane å kunne observere Golfstraumen gjennom mange år, legg han til. Observasjonane har skjedd i havet utanfor Måløy i Sogn og Fjordane.
Konklusjonen er at Golfstraumen i dag har om lag same fart, kraft og temperatur som for 20 år sidan. Målingane av temperaturen og styrken i straumen har skjedd kvar einaste time sidan 24. april 1995.
– Dei ti første åra viste at temperaturen i vatnet steig med ei heil grad. Det er jo tankevekkande med tanke på global oppvarming. Men så ser vi at temperaturen går ned igjen dei siste ti åra, og er no tilbake på 1995-nivå, seier Orvik til avisa.
