Frå førre månad har Ap gått tilbake over 4 prosentpoeng og er ikkje lenger Noregs største parti på NRK si måling, etter at Frp har gått opp frå 25,1 til 30, 8 prosents oppslutnad.
- Gler seg over framgongen
Siv Jensen seier det er fantastiske tal, men at dei har sett utviklinga over tid.
- Det skuldast jo fyrst og fremst at folk er lei av at Regjeringa sviktar på nær sagt alle område. Så høyrer dei at Frp har klare svar på desse utfordringane som regjeringa ikkje klarar å løysa.
Jensen seier folk må venja seg til at den nye statsministeren kan heita Siv Jensen.
SJÅ OG:
- Me kjem til å vinna
Martin Kolberg i Arbeiderpartiet seier dei tek målinga alvorleg sidan den stadfestar at Ap har hatt ein nedgang.
- Dersom dette blir valresultatet så blir det jo eit regjeringsskifte og ei tydeleg høgredominert regjering, seier han og legg til:
- Men slik kjem det ikkje til å gå når me kjem i gong med dokumentasjonane våre på det me har gjort og viser fram kva høgreregjeringa kjem til å bety.
