Fredrik Fasting Torgersen er død

Fredrik Fasting Torgersen er død, 80 år gammal. Han er kjent som domfelt i Torgersen-saka, ei drapssak frå 1957.

I 1958 vart han dømd til livsvarig fengsel og 10 års sikring for drapet på 16 år gamle Rigmor Johnsen i Oslo. Han sona 16 år i fengsel, og vart sett fri i 1974.

• Les også: Jeg rekker å få saken gjenopptatt
• Les også: Nytt håp for Torgersen

Kjempa for gjenopptaking til det siste

Rigmor Johnsen var på veg heim til bygården i Skippergata desemberkvelden i 1957. Klokka halv to om natta vart ho funnen under ein kjellarlem, med gammalt materiale over seg. Nokon hadde forsøkt å sette fyr på materialet, men det vart berre ein ulmebrann.

Rundt seks hundre meter vekke frå åstaden er Fredrik Fasting Torgersen blitt arrestert ein halvtime tidlegare, mistenkt for sykkeltjuveri.

Påtalemakta seier at Torgersen fulgte etter Johnsen, forsøkte å voldta, og drap henne.

Torgersen har heile tida hevda at han er uskuldig, og sagt at han er eit offer for justismord.

Dei som støttar Torgersen seier at politiet og påtalemakta frå første stund peila seg inn på Torgersen, og ikkje etterforska viktige spor. Dei tre tekniske bevisa i saka er blitt endevendt.