Feilen som førte til stansen vart retta opp i 22-tida søndag, men det fekk følgje-forseinkingar utover kvelden.
– Forseinkingane varierer, men det er mellom 20 minutt og opptil ein time. Slik det ser ut nå er forseinkingane størst i Trøndelag og nordover, seier pressevakt i NSB Gina Scholz til NRK like etter klokka 23.
Frå måndag skal all togtrafikk gå som normalt, seier NSB til NRK i natt.
Det var ein feil i kommunikasjonssystemet mellom togleiinga og toga som førte til at toga stoppa opp fleire stader i kveld.
I slike situasjonar er det rutine at all togtrafikk blir stansa.
Det har likevel vore trafikk på strekningar der togleiarsentralen kunne ta i bruk handhaldne telefonar og halde kontakten med toga på den måten.
