Høge fjell gjer det vanskeleg å tilfredsstille kravet om planering ved flyplassane.
Stor utfordring
Tryggleikssoner skal redusere skader på fly som hamnar utanfor rullebanen, men med mange flyplassar i bratt og ulent terreng er det nesten umogleg å innfri krava.
- Plassering av flyplassar er ei utfording i norsk terreng, det er heilt opplagt, seier Fungerande direktør for flyplass og flysikring i Luftfartstilsynet, Ronald Geirhovd.
Dei fleste norske flyplassane driv under spesialtilpassa krav. Luftfartstilsynet seier desse krava veg opp for eventuell risiko, og at drifta difor er forsvarleg.
Ekstra krav
- Dersom ein ikkje klarer å utforme eit skikkeleg tryggleiksområde kan det bli sett i verk ekstra krav til for eksempel vêrvarsling, preparering av rullebanen eller lyssetjing, seier Geirhovd.
Han meiner at ein ikkje treng uroe seg når ein lettar og landar på flyplassane.
- Vår vurdering er at tryggleiken blir vareteke ved norske flyplassar, seier han.
Omkom ved rullebanen
Tidlegare denne veka omkom over 150 menneske i ei flyulykke ved rullebanen i Madrid.
LES:
LES:
I 2006 døydde fire personar etter ei flyulykke på Stord. Flyet sklei av rullebanen og hamna i ei bratt skråning.
LES:
