Hopp til innhold

Fleire politikarar i farta

Det er ikkje berre samferdsleminister Liv Signe Navarsete som er i farta. Ei rekkje profilerte politikarar har trødd for hardt på gassen.

Kontroll
Foto: Stian Wåsjø Simonsen / NRK

  • AP-politikar Roger Ingebrigtsen køyrde ifølgje Dagbladet i 130 km/t i 90-sona i fjor sommar, på offisielt oppdrag saman med kulturminister Trond Giske som passasjer. Ingebrigtsen hadde allereie fått kallenamnet ”Raske Roger”. I 2002 mista han førarkortet då bilen han køyrte blei målt til 95 km/t i 60-sona.
  • I 2006 blei stortingsrepresentant for Senterpartiet, Ola Borten Moe, stoppa då han haldt farten 129 km/t i ei 80-sone i Gauldal.
  • I juni i fjor påstod Dagbladet at ein bil med Jens Stoltenberg som passasjer hadde fart på 120 km/t i 100-sonen og 100 km/t i 80-sona, på E18 mellom Horten og Oslo.
  • Frp-politiker Per Sandberg råkøyrte og mista lappen i Målselv i 2006.
  • Nei til EU-general Heming Olaussen blei tatt i 127 km/t i 80-sona i 2005.
  • I 2002 blei tidlegare stortingspolitikar for Krf, Lars Rise, stoppa etter å ha køyrt i 133 kilometer i timen på E6 i ei 80-sone.
  • Tidlegare samferdselsminister og SP-veteran Johan J. Jakobsen mista førarkortet etter råkøyring i heimfylket før stortingsvalget i 1997.
  • I 1993 blei dåverande miljøvernminister Thorbjørn Berntsen stoppa i fartskontroll, og fekk bot for brot på fartsgrensa i 80-sona.
  • I 1992 mista dåverande kulturminister Åse Kleveland førarkortet, etter at bilen ho køyrte blei målt til 77 km/t i 50-sona
  • I 1991 mista tidlegare statsminister Jan P. Syse førarkortet, fordi han hadde køyrt i 86 kilometer i timen i 60-sona.
  • Kunnskapsminister Tora Aasland mista lappen i 1986, då ho blei stoppa etter å ha køyrt i 120 km/t på Mosseveien.

LES: - Kjørte i 110 km/t i 80-sone

LES: Sjåføren legg seg flat

AKTUELT NÅ