– Dette er ein av dei største målingane vi har hatt. Vi har ikkje målt verdiar opp i 47 meter i sekundet tidlegare, seier statsmeteorolog Bente Marie Wahl.
Meteorologisk institutt har ikkje registrert så sterk vind ved Kråkenes fyr før.
- LES:
- LES:
– Mykje vind
Under nyttårsorkanen i 1992 var det ikkje målestasjon på Kråkenes fyr, som ligg yttarst på Vågsøy, om lag to mil frå Måløy.
– Men under Dagmar i 2011 målte stasjonen 45,6 meter i sekundet. Så det er ingen tvil om at det er mykje vind no, seier Wahl.
Ikkje over enno
Statsmeteorologen seier vinden trekk seg nordover.
– Akkurat no er det kraftigast nord i Sogn og Fjordane og på Sunnmøre, men utover kvelden er det Trøndelag sin tur. Utover natta drar det seg til nordover til Helgeland.
