Éin person mista livet i ei front-mot-front-ulykke på fylkesveg 382 i Leirsund i Akershus, torsdag kveld. Det skriv politiet på Twitter. Dei to andre som var involverte i ulykka vart sende til sjukehus i luftambulanse, med kritiske skader.
– Me kan foreløpig ikkje sei så mykje om det som har skjedd. Me er på staden der ulykka skjedde og gjer taktiske og tekniske undersøkingar, seier operasjonsleiar Ronny Årstein til NRK.
– Årsaka for ulykka er heller ikkje kjent. No varslar me den omkomnes pårørande, og ventar på at Vegvesenet og krimteknikarane skal kome til staden.
